پشتی 10ی موحه‌ره‌مێ «ئه‌و» دێ ب قه‌د و پرت كری هێته ڤه‌شارتن!
فائق شێخ عه‌لی، سیاسه‌تمه‌دارێ لیبرال و پارله‌مه‌نته‌رێ به‌رێ یێ ئیراقێ ل پلاتفۆرما خوه یا Xێ په‌یامه‌ك پڕ خه‌ته‌ر وه‌شاندیه و گۆتیه كو: «ئه‌و» دێ هێته كوشتن و پارچه پارچه وه‌ره ڤه‌شارتن!
شێخ عه‌لی دبێژه: ئه‌ڤ یه‌ك وێ پشتی 10 موحه‌ره‌مێ، ئانگۆ چه‌ند رۆژه‌كێن دن پێك وه‌ره.
فائق شێخ عه‌لی ل Xێ ووسا نڤیساندیه:
بێده‌نگ به، د ناڤبه‌را من و ته ده
ئه‌ڤ سره‌كه كو ئه‌ز جارا یه‌كه‌مه دبێژم:
ئه‌و دێ قه‌د قه‌دكری هێته ڤه‌شارتن، پارچه پارچه، زه‌ره زه‌ره، پرت پرت!
پشتی 10ی موحه‌ره‌مێ!
دڤێ شۆره‌شگه‌رێن تشرینێ خوه ئاماده بكن.
مه‌دیایا ئیراقێ و عه‌ره‌بی ئه‌ڤ په‌یاما شێخ عه‌لی ب به‌رفه‌ره‌هی پارڤه‌كرنه و وان گۆتیه كو مه‌به‌ستا شێخ عه‌لی ب ڤێ په‌یامێ رێبه‌رێ شۆره‌شا ئیسلامییا یا ئیرانی ئایته‌وللاهـ عه‌لی خامه‌نه‌یی یه.!!
فائق شێخ عه‌لی ل چه‌ند مه‌هێن رابووری د هه‌ڤدیتنه‌كه خوه ده پێشبینییا بوویه‌رێن نها كربوو و هه‌ر وها گۆتبوو كو ئیران دێ ده‌ربه‌كێ مه‌زن خۆت.
هه‌روه‌ها ل ڤێ داویێ ژی د بۆدكاستا سكای نیۆزێ ده گۆت كو بوویه‌رێن پڕ گرینگ كو وێ نه‌خشه‌یا سیاسی یا رۆژهلاتا ناڤین ب ته‌ڤاهی ب گوهه‌رینن وێ ل ده‌مه‌كه هه‌ری نێزیك چێببن.
