هاریكارێ سەرۆککۆمارێ ترکیەیێ دەربارێ چه‌كدانانا په‌كه‌كێ گۆت: ئه‌ڤ پرۆسه دێ د دەمەکێ کورت دا ل مه‌یدانێ ب ئەنجامێن بەربچاڤ هێته دیتن.
جه‌وده‌ت یلماز ده‌ربارێ پرسا چه‌كدانانا په‌كه‌كێ داخویانی دا و راگه‌هاند؛ پشتی بریارا په‌كه‌كێ یا چه‌كدانانێ، دەم هاتیە کو ئەم ڤێ یەکێ ل مه‌یدانێ ببینین. ئەم ل بەندێنە کو ئەڤه د دەمەکێ نێزیك دا دەست پێ بکەت.
هه‌روه‌ها گۆت: ئەڤ پرۆسه‌یه دێ ل مه‌یدانێ ژی ب ئەنجامێن بەربچاڤ هێته دیتن، لێ ئەڤه دێ دەمەکێ دیاركری ڤه‌كێشیت، ژ به‌ر كو نە تشتەکە کو د رۆژەکێ دا بهێته كرن.
هاریكارین سه‌رۆككۆمارێ تركیێ ده‌ستنیشان كر، چاڤدێریا پرۆسه‌یا چه‌كدانانێ دێ ب هویری هێته كرن و گۆت: ئەم گه‌هشتینە قۆناغەکا گرنگ و ئەرێنی. پێڤاژۆ وەکی کو پێویستە د رێكا خوە دا، ل گۆری پێویستیێن خوە ب رێ ڤە دچیت.
