هەیئەتا دەم پارتیێ یا ئیمرالیێ یا کو دوهـ ب رێبەرێ په‌كه‌كێ عه‌بدوللا ئۆجالان رە هەڤدیتن کر، دێ ئیرۆ ساعەت 15:00 ب سەرۆککۆمارێ ترکیەیێ رەجەپ تاییپ ئەردۆگان رە هەڤدیتنێ بکە. ئۆجالان دوهـ راگهاندبوو كو ئه‌ڤ هه‌ڤدیتن دیرۆكی یه.
ئەڤ هەڤدیتن دێ ببە هەڤدیتنا دویەمین یا ئەردۆگان ب هەیئەتا دەم پارتیێ رە کو د چارچۆڤەیا هه‌ولێن پێڤاژۆیێ ده هاتنه ئه‌نجام دایین.
د داخویانیا نڤیسکی یا دەم پارتیێ دە یا پشتی هەڤدیتنا داوی یا ب ئۆجالانێ رە، هات دیارکرن کو ئۆجالان گۆتیە پێڤاژۆ دەرباسی قۆناغەکە نوو بوویە.
ئۆجالان دەستنیشان کر کو ئەو گرینگیەکە مەزن ددە هەڤدیتنا کو دێ ئەندامێن هەیئەتا مە ب برێز سەرۆککۆمار رە پێک بینن و ئەڤ هەڤدیتن وەکی هەڤدیتنەکە دیرۆکی ب ناڤ کر.
