ل گۆری فەرمانەکێ کو ژ ھێلا سەرۆککۆمارێ ترکیێ ئەردۆگان ڤە ھاتیە ئیمزەکرن و د رۆژنامەیا فەرمی دە ھاتیە وەشاندن، پەیمانا بۆریا پەترۆلێ یا خاڤ کو د سالا 1973 دە د ناڤبەرا ترکیێ و ئیراقێ دە ھاتیە ئیمزەکرن، د 27ێ تیرمەھا 2026ێ دە ب داوی دبە و ئێدی دەرباسدار نابە. فەرمان د 20ێ تیرمەھا 2025ێ دە ب ئیمزەیا سەرۆککۆمارێ ترکیێ ئەردۆگان د رۆژنامەیا فەرمی دە ھاتیە وەشاندن.
ل گۆری فەرمانا ھەژمار 10113 کو د رۆژنامەیا فەرمی دە ھاتیە وەشاندن، پەیمانا بۆریا پەترۆلێ یا کو د سالا 1973ێ دە د ناڤبەرا ترکیێ و ئیراقێ دە ھاتیە ئیمزەکرن، دگەل ھەر پەیمان، پرۆتۆکۆل و بەلگەیێن دن یێن ھەیی، د 27ێ تیرمەھا 2026 دە ئێدی کار پێ نایێ کرن.
ئەڤ پەیمانە، کو جارا یەکەم د سالا 1973ێ دە د ناڤبەرا ھەر دو وەلاتان دە ھاتیە ئیمزەکرن، د سالێن بۆری دە ب پرۆتۆکۆلێن جووربەجوور ھاتیە نووڤەکرن و ھەری داوی د سالا 2010ێ دە ژ بۆ 15 سالان ھاتیە درێژکرن.
