سەرۆکێ جەهەپێ ئاماژەیێ ددە، “نابە کو چ کەسەک ژ وێ کۆمیسیۆنێ بترسە یا کو جەهەپە تێ دەیە، لێ دڤێت ژ وێ بترسن یا کو ئەم تێ دە نەبن.”
سەرۆکێ پارتیا گەل یا کۆماری (جەهەپێ) ئۆزگوور ئۆزەل ئیرۆ رۆژا چارشەمبێ، 30ێ تیرمەھا 2025ێ راگھاند، “سەرۆکێ پارلەمەنتۆیێ داخوازا مە قەبوول کریە. بریارێن کۆمیسیۆنێ ب پرانیا رەھا تێن دان. ئەم دێ سبە 10 ھەڤکارێن خوە ژ بۆ کۆمیسیۆنێ دیار بکن.”
ئۆزگوور ئۆزەل ھەروەسا گۆت، “تشتێ کو دڤێت بێ زانین ئەوە کو، ئەڤ کۆمیسیۆنە نە کۆمیسیۆنەکە کو دەستوورێ بگوهرە. ئەم لگەل وان کەسان یێن کو بریارێن دادگەھا دەستووری بجیھ نایینن دەستوورا نوو نانڤیسن.”
ناڤبری تەکەز ژی کر، “نابە کو چ کەسەک ژ وێ کۆمیسیۆنێ بترسە یا کو جەهەپە تێ دەیە، لێ دڤێت ژ وێ بترسن یا کو ئەم تێ دە نەبن.”
ئەڤە د دەمەکێ دەیە کو، سەرۆکێ پارلەمەنتۆیا ترکیەیێ نومان کورتولموش ل رۆژا یەکشەمبێ 27ێ تیرمەھا 2025ێ، د مەراسیمەکێ دە ل چاناککالەیا تکریەیێ راگھاند، “ل دەستپێکا مەھا بهێت، کۆمیسیۆنا پارلەمەنتۆیێ یا ژ بۆ پێڤاژۆیا ئاشتیێ دێ دەست ب کارێن خوە بکە.”
