مەدیایا ئیسرائیلێ: نەتانیاهو بریار دایە کو تەڤاهیا غەززەیێ داگیر بکە
دەستەیا وەشانێ یا ئیسرائیلێ راگهاند، بەنژامێن نەتانیاهو بریار دایە کو ئۆپەراسیۆنێن لەشکەری یێن ل غەززەیێ بەرفرەهتر بکە و هەتا کو تەڤاهیا هەرێمێ داگیر نەکە، شەرێ ل دژی حەماسێ رانەوەستینە.
دەستەیا وەشانێ یا ئیسرائیلێ شەڤا بۆری 4ێ تیرمەهێ بەلاڤ کر، سەرۆکوەزیرێ ئیسرائیلێ بەنژامێن نەتانیاهو بریارا بەرفرەهکرنا ئۆپەراسیۆنێن لەشکەری دایە و تەکەز کریە کو هەتا تەڤاهیا غه‌ززه‌یێ نەیێ داگیرکرن، ئەوێ دەست ژ شەرێ ل دژی حەماسێ بەرنەدە.
هەمان دەستەیێ دایە زانین، سیستەما ئەولەهیێ یا ئیسرائیلێ ل وان دەڤەرێن غه‌ززه‌یێ کو دیل لێ تێن گرتن، راستی ئاستەنگیان تێ. هەروها، کەنالێن ئیسرائیلی یێن وەکی کانال 14 و کانال 12 ژی ئاماژە پێ دکن کو “کابینەیا شەر” خوەدی وێ دەستهلاتێ یە کو بریارا داگرکرنا تەڤاهیا کەرتا غه‌ززه‌یێ بدە.
نەتانیاهو ب خوە ژی د داخویانیەکێ دە راگهاندبوو، ئەوێ د ڤێ هەفتەیێ دە دەربارێ گاڤێن نوویێن بەرفرەهکرنا شەر دە بریارێ بدن و فەرمانان بدن ئارتێشێ. وی سێ ئارمانجێن سەرەکە دەستنیشان کرن:
تێکبرنا حەماسێ.
ئازادکرنا دیلان.
مسۆگەرکرنا کو غه‌ززه جارەکە دن ژ بۆ ئیسرائیلێ نەبە گەف.
مەدیایا ئیسرائیلێ ژ زارێ چاڤکانیەکی ئاگاهدار بەلاڤ کر کو نەتانیاهو، سەرفەرماندارێ ئارتێشێ ئاگاهدار کریە و ژێ رە گۆتیە، ئەگەر ئەو ب پلانا داگیرکرنا غه‌ززه‌یێ نە رازی بە یان نکاربە بجهـ بینی، دڤێ دەست ژ کارێ خوە بەردە.
