کوردان ب ئێشەکا مەزن سالڤەگەرا 11ێ یا کۆمکوژی شەنگالێ ب بیر ئانین. د ڤێ سالڤەگەرێ دە، رێخستنێن گرێدایی پەکەکەیا خوە هلوشاندی ھەول دان کو د ناڤبەرا کوردان دە فتنە و فەسادیێ چێکن. دەما کو مەدیایا پەکەکێ نووچەیێن دەرەو و نەراست ل سەر شەنگالێ بەلاڤ دکرن، سازیێن وێ یێن فەرمی داخویانیەک دن ل دژی ھەرێما کوردستانێ و پێشمەرگەیان دا.

داخویانیا کەجەکێ: پێشمەرگەیێن پدەکێ شەنگال نەپاراست

کەجەکە، کو باسکێ سیاسی یێ پەکەکێ یە، دوھ داخویانیەک دا و شیرۆڤەیێن خوەیێن ل سەر جینۆسایدا ل دژی کوردێن ئێزدی ل شەنگالێ پارڤە کر. د داخویانیا کەجەکێ دە وھا ھات گۆتن: “مخابن، پێشمەرگەیێن پەدەکێ و ئارتێشا ئیراقێ، کو ب ھەزاران کەس بوون و ئەرکێ وان ئەولەکاریا شەنگالێ بوو، شەنگال نەپاراستن و گەلێ شەنگالێ لگەل کۆمکوژیێ روو ب روو هێلا.” ب ڤێ گۆتنێ، وان نیشان دا کو ئەو هێژ ژی زھنیەتا پەکەکێ یا کو خوە ھلوەشاندی دپارێزن.

د سالا 2014ێ دە، دەما کو ئێریشا داعشێ پێک ھاتی، شەنگال ب فەرمی ھەرێمەک سەر ب ئیراقێ ڤە بوو، و تەنێ ھەژمارەکا بچووک ژ پێشمەرگەیان ل ھەرێمێ ھەبوون. پرانیا ڤان پێشمەرگەیان گرێدایی یەنەکێ بوون. ئارتێشا ئیراقێ مووسل تەرکاندبوو و شەنگال ھاتبوو دۆرپێچکرن. ھێزێن پێشمەرگە ھەم ژ بۆ کو خەلکێ ژ شەنگال بەر ب چیایێ شەنگالێ ڤە ببن و ھەم ژی ژ بۆ کو ب رێیا زومارێ کۆریدۆرەکێ بەر ب شەنگالێ ڤە ڤەکن، تێکۆشینەک دژوار دان. د ڤان پەڤچوونان دە 600 پێشمەرگە شەھید بوون. لێبەلێ، پەکەکێ ئەڤ راستی بەرڤاژی کر و ژ بۆ بجھبوونا خوە ل شەنگال ل کێلەکا ئیرانا شیعە و رەژیما ئیراقێ تەڤگەرییا. داخویانیا کەجەکێ نیشان دا کو زھنیەتا پەکەکەیا ھەلوەشییایی و ھەڤکارێن وێ یێن گومانبار بەردەوام دکە.

رۆژ نیوز: پێشمەرگەیێن یەنەکێ بەرخوەدا

د سالڤەگەرا 11ێ یا قرکرنا ئێزدیان دە، دەزگەھا مەدیایێ یا پەکەکەیا ھلوەشییایی، ب زھنیەتەک کەڤنەشۆپی، کامپانیایەکا پرۆپاگاندایا رەش یا سالێن بەرێ دوبارە کر و ھەرێما کوردستانێ ژ بەر کۆمکوژیا ئێزدیان تاوانبار کر. رۆژنیوز، دەزگەھا مەدیایێ یا پەکەکێیە، ناڤەندا وێ ل سلێمانیێ یە، وەشانێن خوە بەردەوام دکە. لگەل ھندەک کەسێن ئەندامێن یەنەکێ ئاخڤی و وان کەسان گۆت “پێشمەرگەیێن یەنەکێ ل شەنگال لبەرخوەدایە” ب ڤی شێوەیی پەکەکە دخوازە تۆڤێ نەیارتیێ دناڤا پارتییێن کوردان دا بچینە. رۆژنیوس، کو لگەل ھەلۆ پێنجوینی، فەرماندارێ بەرێ یێ یەنەکێ ل شەنگالێ، ھەڤپەیڤینەک چێکر، نووچەیێن کو ب تەڤاھی ژ راستیێ دوور ب ئیدیعایا کو پێشمەرگەیێن یەنەکێ ل بەرخوە دایە، وەشاند.

نرخاندنەک ل سەر دەزگەھێن مەدیایێ و داخویانیێن پەکەکەیا ھلوەشییایی، ئەشکەرە دکە کو پەکەکێ تەنێ گۆتن و کریارێن خوەیێن ل دژی دەولەتا ترک گوھەرتینە، لێ ھین ژی ل دژی کوردان ئاگربەست نەراگەهاندیە.