سەرۆکێ پارلامەنتۆیا ترکیەیێ نومان کورتولموش تەکەز کر، ئەرکێ ھەری گرینگ یێ کۆمیسیۆنێ، شۆپاندنا پێڤاژۆیا چارەسەریێ، سەرەراستکرنا گاڤێن پێویست و گۆتووبێژکرنا ل سەر پێنگاڤێن دەمۆکراتیکبوونێیە.
کورتولموش ئیرۆ 12ێ تەباخێ د دەستپێکا جڤینا کۆمیسیۆنا ھەڤگرتنا نەتەوەیی، براتی و دەمۆکراسیێ دە ئاخڤی و دیار کر کو کۆمیسیۆن ل گۆری ئارمانجا خوە دخەبتە و ئەندامان نێرینێن خوە ب ئاوایەکی ڤەکری ئانینە زمان.
ھەروھا سپاسیا ئەندامان کر، ژ بۆ ھەولدانێن وان یێن ئەرێنی و ئانی زمان کو جڤینا بەرێ یا لگەل سەرۆکێن ئەولەھیێ ژ بەر ھەستیاریا مژارێ ژ چاپەمەنیێ رە گرتی بوو.
سەرۆکێ پارلامەنتۆیێ بال کشاند سەر گرینگیا خورتکرنا ھەڤگرتنا جڤاکی و براتیێ و گۆت، ژ بۆ ڤێ ئارمانجێ تفاقا ھەری مەزن د بن سیوانا مەجلسێ دە ھاتیە ئاڤاکرن.
دا زانین ژی، پشتی پارتیا IYI ئەندامێن خوە دەستنیشان نەکرن، کۆمیسیۆن ب بەشداریا پارتیێن دن، ب 51 ئەندامان کارێ خوە ددۆمینە.
د داویا ئاخافتنا خوە دە، کورتولموش ئەشکەرە کر کو رۆژەڤا سەرەکی یا جڤینا سێیەمین گوھدارکرنا ل پێشنیارێن ئەندامانە دەربارێ رێبازا خەباتێ و گاڤێن کو دێ د پێشەرۆژێ دە وەرن ئاڤێتن.
