کۆمیسیۆنا “کۆمیسیۆنا هەڤگرتنا نەتەوەیی، براتی و دەمۆکراسیێ” یا پارلامەنتۆیا ترکیەیێ، پشتی جڤینا خوە یا سێیەمین یا دوهـ سێشەمێ، بریار دا کو د جڤینا خوە یا بێ دە، ب ئالیێن کو زیان ژ شەر دیتنە رە روونە.
ل گۆری مەدیایا ترکیەیێ، کۆمیسیۆنێ بریار دایە کو د جڤینا خوە یا چارەمین دە، کو دێ د 19 و 20ێ تەباخێ دە وەرە لدارخستن، لگەل بەشەک ژ “دایکێن ئاشتیێ” یێن کو زارۆکێن وان “چوونە چیایی” و مالباتێن وان لەشکەرێن کو د شەرێ د ناڤبەرا دەولەتا ترکیەیێ و په‌كه‌كێ دە جانێ خوە ژ دەست دانە، روونە.
هەروها، تێ پایین کو وەزیرا مالبات و کاروبارێن جڤاکی یا ترکیەیێ، ماهینوور ئۆزدەمیر گۆکتاش ژی بەشداری ڤێ جڤینێ ببە.
ئارمانجا سەرەکە یا کارێ ڤێ کۆمیسیۆنێ، ئامادەکرنا زەمینەکە یاسایی یە ژ بۆ پێڤاژۆیا ئاشتیێ. کۆمیسیۆن ژ بۆ چاکسازی و گوهەرتنا هن یاسایان دخەبتە، ب تایبەتی ژی ژ بۆ دیتنا چارچۆڤەیەکە یاسایی کو رێ ل بەر دانینا چەکان یا په‌كه‌كێ ڤەکە.
