سەرۆکێ گشتییێ پارتیا وەلاتپارێزێن کوردستانێ (PWK) موستەفا ئۆزچەلیک ب بۆنەیا 79ەمین سالڤەگەرا دامەزراندنا پارتیا دەمۆکراتا کوردستانێ (پەدەکێ) پەیامەکا پیرۆزباھیێ بەلاڤ کر. ئۆزچەلیک د پەیاما خوە دە پەدەکێ وەکە “ھیمەکا ئەساسی” د ئاڤاکرنا ھشمەندیا نەتەوەیی دە پێناسە کر و تەکەزی ل سەر رۆلا وێ یا دیرۆکی یا د تێکۆشینا ئازادیا کوردستانێ دە کر.
پەیاما سەرۆکێ PWK موستەفا ئۆزچەلیک:
پەەدکە د 16ێ تەباخا 1946ێ دە ھاتە ئاڤا کرن و ئیرۆ 79ەمین سالڤەگەرا دامەزراندنا پەدەکێ (پارتییا دەمۆکراتا کوردستانێ)یە.
گاڤا کو ئەم بەحسا پەدەکێ دکن، د ئەسلێ خوە دە ئەم بەحسا رێکخستنەکا زندی، بەردەوام، تێکۆشەر دکن. پەدەکە ب کەتن و رابوونێن خوە، بێیی وەستان، ب سەبر، ب ھشمەندییەکا نەتەوی ھەتا ئیرۆ ھاتییە.
پەدەکە، بەردەوامی و بەشەکا تێکۆشینا ئازادییا کوردستانێ یا 200 سالییە.
پەدەکە، د ئاڤاکرن و ھووناندن و پێشەدەبرنا ھشمەندی، ھەست و بیر و باوەرییا نەتەوی، نیشتیمانی یا کوردستانی دە ھیمەکا ئەساسییە.
پەدەکە ئاکتۆرێ پەیمانا ئۆتۆنۆمییێ یا 1970یێ یە.
دەولەتا فەدەرەیا ل باشوورێ کوردستانێ کو ئیرۆ روومەتا مە ھەموو کورد و کوردستانییێن جیھانێیە.
پەدەکە یەک ژ دامەزرینەرێن ئەساسی یێن ڤێ دەستکەفتنا نەتەوەیی، نیشتیمانییە.
پەدەکە، حورمەتکار و بار ھلگرەکی وێ ئالایا پیرۆز یا کو پێشەوا قازی محەمەد تەسلیمی مەلا مستەفا بارزانی یێ نەمر کربوویە.
خەباتا پەدەکێ نە بەس ل باشوورێ کوردستانێ، ھەروەھا ل ھەر سێ پەرچەیێن دن یێن کوردستانێ ژی، د گەش کرن، ڤەژین و د خوە نووکرنا دۆزا ئازادییا کوردستانێ دە رۆلەکێ دیرۆکی لەیستییە.
ئەم د وێ باوەرییێ دە نە، ژ بۆ کو ل ھەر سێ پەرچەیێن دن یێن کوردستانێ ژی پرسا کورد و کوردستانێ ب رێیێن سییاسی، دەمۆکراتیک، سڤیل و ئاشتییانە بێ چارەسەر کرن؛ ژبۆ کو گەلێ مە بکاربە ئازادییا خوە، مافێن خوەیێن نەتەوی، دەمۆکراتیک بدەست بخە، دێ پەدەکە رۆلا خوە یا مەعقوول، نەتەوی و دیرۆکی بلەیزە.
ئەم د وێ باوەرییێ دە نە کو، پەدەکە ژ ئیرۆ پێ ڤە ژی، ژ بۆ یەکتییا ناڤخوەیی یا ل باشوورێ کوردستانێ، ژ بۆ لێخوەدیدەرکەتن و پێشدەبرنا ھەموو دەستکەفتییێن ل ھەرێما کوردستانێ، ب فەداکاری، ب ھەستیاری و ب حەساسییەتەکا نەتەوی و نیشتیمانی، ب ئاوایەکی بەرپرسیارانە ھەلوەست و رۆلا خوەیا ھەیی دێ بەردەوام بکە.
ب ڤان ھەستێن خوەیێن نەتەوی ، نیشتیمانی ئەم 79 سالییا دامەزراندنا پەدەکێ پیرۆز دکن.
ئەم د 79ەمین سالڤەگەرا دامەزراندنا پەدەکێ دە، رێبەرێ گەلێ کوردستانێ مەلا مستەفا بارزانی یێ نەمر و ھەموو شەھیدێن کوردستانێ ب گرامی ببیر تینن.
ل گەل رێز و سلاڤێن خوەیێن برایانە.
16/8/2025
موستەفا ئۆزچەلیک
سەرۆکێ گشتی یێ پارتییا وەلاتپارێزێن کوردستانێ (PWK)
