راگەشیا د ناڤبەرا ھەسەدێ و حکومەتا شامێ دە ل ترکیەیێ دەنگ ڤەدایە کو ترکیە گەفان ل ھەسەدێ دخوە. ئەڤ راگەشی و داخویانیێن ترکیێ ژی د ناڤ مەدیایێ دە وەکە بەریا ئۆپەراسیۆنەکا دژی ھەسەدێ ھشیاریا داوینە ھاتە جیھ گرت. لگەل کو سیاسەتمەدارەک دبێژە، ئۆپەراسیۆنەکا دژی ھەسەدێ پێک نایێ و دەمەک نێزیک دە دێ ب داخلبوونا ئۆجالان مەزلووم عەبدی و ئەحمەد شارع ل ئەنقەرە بجڤن. بەردەڤکا دەم پارتیێ ژی دبێژە، چاوا لگەل ھەرێما کوردستانێ تێکلیێن دۆستانە ھەنە دڤێت ترکیە لگەل رۆژئاڤایێ کوردستانێ ژی تێکلیێن وسا دەینە.
ترکیەیێ د دەمێن داوی دە ھەلوەستا خوەیا ل دژی ھێزێن دەمۆکراتیکێن سووریەیێ (ھەسەدێ) ھشکتر کریە، کو ئەو وان وەکی گەفەک ل سەر ئەولەھیا خوەیا نەتەوەیی دبینە.
ل گۆری ئەنقەرێ، سەدەمێن سەرەکی یێن ڤێ یەکێ ھەڤکاریا زێدە یا ھەسەدێ لگەل ئیسرایلێ یە، نە ئەنتەگراسیۆنا لگەل حکوومەتا شامێ و توندووتووژیا زێدەیا ل سووریەیێ.
پشتی سەردانا وەزیرێ کارێن دەرڤەیێ ترکیەیێ ھاکان فیدانیا بۆ شامێ، وەزیرێ دەرڤەیێ سووریەیێ ئەحمەد حەسەن شەیبانی، وەزیرێ پاراستنێ موحرەف ئەبوو قەسرا و شاندەیەکا پایەبلند سەردانا ترکیە کربوون و ل ئەنقەرە ب ھەڤپیشەیێن خوە رە جڤیا بوون.
د جڤینا ھەڤبەشیا شەیبانی ژی فیدان داخویانیێن توند ل دژی ھسدێ دان. فیدان گۆت، یەپەگە ل سووریەیێ لیستکێن خراپ دکە و تەڤلی سیستەمێ نابە.
ژ ئالیەکی دن ڤە ئەڤ داخویانی د مەدیایا ترکیەیێ دە وەکە بەریا ئۆپەراسیۆنەکا دژی ھەسەدێ ھشیاریا داوین جیھ گرت.
سیاسەتمەدار عەبدوڕەحیم سەماوی ژ بۆ K24ێ گۆت: “بەریا ھەموو تشتی من نەباوەرە ئۆپەراسیۆنەک ژنووڤە چێببە. ژخوە دەما ئۆپەراسیۆن چێببە ئەڤ مەسەلەیا چارەسەریا کو دمەشە، وێ پر دەرەنگ بکەڤە. من ب وێ نەباوەرە. من بەریا نھا ژی ب رێیا کوردستان24ێ گۆتبوو، دێ د وەختەکی نێزیک دە، ئەحمەد شارع و مەزلووم عەبدی ل ئەنقەرە بجڤن. وێ ئۆجالان ژی حازر بە، دبە کو مخابن چاپەمەنی حازر بە، لێ دێ ئۆجالان ژی مداخلە بکە و دێ لهەڤهاتنا وان چێببە، بێ شەر بێ تەقە و بێ تشتەکی دن.”
بەردەڤکا دەم پارتیێ عایشەگول دۆگان ژی دبێژە چاوا لگەل ھەرێما کوردستانێ تێکلیێن دۆستانە ھەنە دڤێت ترکیە لگەل رۆژئاڤایێ کوردستانێ ژی تێکلیێن دۆستانە دەینە و دڤێ گەلێ سووریەیێ بریارا پاشەرۆژا خوە بدن.
