ل ناڤچەیا گەلیبۆلوو یا پارێزگەھا چاناککالەیێ یا ترکیەیێ، شەواتەکا مەزن دەرکەت و ژ بەر بایێ بھێز ل ھەرێمەکا بەرفرەھ بەلاڤ بوو. وەک تەدبیر، پێنج گوندێن دەردۆرێ ھاتن ڤالاکرن.
ل گۆری ئاگاھیان، شەوات دوھ د دەمژمێرێن ئێڤارێ دە ل ناڤچەیا گەلیبۆلوویێ دەست پێ کر و ب باندۆرا بایێ توند، د دەمەکێ کورت دە گەش بوو. تیمێن ئاگرکوژیێ ھەم ژ بەژاھی و ھەم ژی ژ ئاسمان ڤە دەستێوەردانێ ل ئاگر دکن و ھەول ددن کو شەواتێ بخن بن کۆنترۆلێ.
پارێزگارێ چاناککالەیێ د داخویانیەکێ دە راگھاند، ژ بۆ پاراستنا جانێ وەلاتیان و کێمکرنا زیانێن شەواتێ، پێنج گوند ھاتنە ڤالاکرن. ھاتە دیارکرن کو گوندی ل جھێن ئەولە ھاتنە بجھکرن.
ژ ئالیەکی دن ڤە، وەزیرێ دارستان و چاندنیێ یێ ترکیەیێ ئیبراھیم یوماکل ژی دەربارێ مژارێ دە ئاخڤی و دا زانین، ترکیە ب ئاوایەکی جدی د بن باندۆرا گوھەرینا کەشووھەوایێ دەیە. یوماکل گۆت، “ژ دەستپێکا ئیسال ڤە ئەم رووبروویی 5 ھەزار بوویەرێن شەواتێ بوونە.”
