کۆمیسیۆنا ئاشتیێ ئیرۆ دێ پێشوازیا دایکێن دیاربەکرێ بکە و سبە ژی دێ پێشوازیا دایکێن ئاشتیێ و شەمیێ بکە.
ل گۆری مەدیایا ترکیەیێ، کۆمیسیۆن ئاشتیێ دێ ئیرۆ د دو روونشتنان دە خەباتا خوە بدۆمینە، روونشتنا یەکێ دێ ب پێشکێشکرنا گۆتارەکێ ژ ئالیێ وەزیر ماهنور ئۆزدەمر گۊکتاش ڤە بێ دەستپێکرن و د روونشتنا دویێ دە ژی دێ گوهداریا دایکێن دیاربەکرێ بێ کرن.
دایکێن ئاشتیێ، دایکێن شەمیێ و دایکێن دیاربەکرێ ژ وان ژنان رە تێ گۆتنێن کو زارۆکێن خوە د شەرێ د ناڤبەرا په‌كه‌كێ و ترکیەیێ دە وندا کرنە.
یەک ژ دایکێن ئاشتیێ ژ بۆ بداویئانینا شەر داخوازا وێ یەکێ دکە کو هەمی ئالی دەستێن خوە بدن هەڤ. وێ دایکێ داخواز ژ دەولەتا ترکیەیێ ژی کر کو، ئەو کۆمیسیۆن نە تەنێ ژ بۆ چەکدانینا په‌كه‌كێ بخەبتە، لێ دانپێدانێ ب ماف و داخوازی و دۆزا کوردان ژی بکە.
یەکا دن ژ دایکێن ئاشتیێ چارەنڤیسا کورێن خوە دخوازە و داخوازێ ژ دەولەتا ترکیەیێ دکە کو، ژ بۆ ئەشکەرەکرنا چارەنڤیسا کورێن وێ یێن کو هین ژی نزانە مانە ئان ژی هاتنە کوشتن بخەبتە، هەروەسا داخوازا بەردانا هەمی زیندانیان ژی دکە.
دایکێن ئاشتیێ هەروەسا داخواز دکن کو، د دەمەکە نێزیک دە سەردانا رێبەرێ په‌كه‌كێ یێ زیندانیکری ئابدوڵاهـ ئۆجالان بکن.
