ل گۆری ئامارێن کو ل ناڤەندا ئامار و بەلگەیان یا رێخستنا مافێن مرۆڤان یا هەنگاوێ هاتنە تۆمارکرن، کۆمارا ئیسلامی یا ئیرانێ ژ دەستپێکا ئیسال ڤە هەتا نها 800 کەس ب دار ڤە کرنە.
د ناڤا 8 مەهێن بۆری دە هەری کێم 30 گرتیێن سیاسی و مەزهەبی هاتنە بدارڤەکرن.
د هەمان دەمێ دە، هەری کێم 22 ژن و زارۆکەک ژی ل گرتیگەهێن ئیرانێ هاتنە دالقاندن.
ژ وان 800 گرتیێن کو هاتنە بدارڤەکرن، 116 کەس کورد بوون، 107 کەس لۆر بوون، 92 کەس بەلووچ بوون و 82 کەس ژی ترک بوون.
هەر وها ل گۆری ئامارێن هەنگاوێ، د هەمان دەمێ دە هەری کێم 46 وەلاتیێن ئەفغانستانێ ل گرتیگەهێن ئیرانێ هاتنە بدارڤەکرن.
رێخستنا مافێن مرۆڤان یا هەنگاوێ دەربارێ زێدەبوونا هەژمارا بدارڤەکرنێن ل ئیرانێ هشیاری دا و بانگی هەموو رێخستنێن سڤیل و مافێن مرۆڤان یێن ئیران و جیهانێ کر کو ل هەمبەری ڤان کریارێن کۆمارا ئیسلامی یا ئیرانێ هەلوەستەکە ببریار نیشان بدن.
