شرۆڤەکارێ سیاسی یێ ئیراقی عەلی حەبیب ژ بۆ کانالا ONE NEWS یا ئیراقێ راگەھاند: “جوانێن ئیراقی ژ بەر ھەژاریێ بوونە کرێگرتیێن ئارتێشا رووسیایێ و د شەر دە بەشدارن.”
ل گۆری راپۆرێن ناڤنەتەوەیی، 600 چەکدارێن ملیسێن ئیراقی د مەھا شوباتێ دە چوونە رووسیایێ دا کو ل دژی ئوکراینایێ شەری بکن.
ئەو ئانالیستێ سیاسی دبێژە رەوشا ئابۆری یا دژوار و بێکاری سەدەمە کو جوانێن ئیراقی دبن کرێگرتیێن شەری. ئەڤ ژ بۆ سەروەری و پۆزیسیۆنا ئیراقێ پر مەترسیدارە و ئەڤ دۆز ب قاسی مژارا بازرگانیا مرۆڤان خەتەرناکە.
ھەروەھا دبێژە: “حکوومەتا ئیراقێ د پاراستنا ژیانا وەلاتیێن خوە دە خەمسارە و ژ بۆ پێشیگرتنا وێ چ تەدبیر نەگرتیە، کو دێ باندۆرەک نەرینی ل سەر ئیراقێ بکە.”
