سەرۆکێ مه‌هه‌پێ راگهاند، هەر بزاڤەکە ل ژێر ناڤێ فەدەرالی ئان پارڤەکرنا سووریەیێ گەفەکە جدییە و رووبرووبوونا ترکیەیێ ل دژی وان پرۆژەیان رەوا و پیرۆزە.
سەرۆکێ پارتیا تەڤگەرا نەتەوەیی یا ترکیەیێ (مه‌هه‌پێ) دەڤلەت باخچه‌لی راگهاند، «پلانا وان کەسێن کو دخوەستن تێکلیێن نەقەتاندی یێن د ناڤبەرا ترک و کوردان دە تێک بدن و د ناڤبەرا وان دە فتنەیێ چێ بکن هات پووچکرن و بزاڤێن تێکدان و ژێکڤەکرنا کورد و ترکان ب سەر نەکەتن.
باخچه‌لی تەکەز ژی کر، چ گوهەرتنەک د سینۆرێن دەڤەرێ دە نایێ قەبوولکرن و هەروەسا گۆت: ئارمانجا ترکیەیا بێتەرۆر ئارمانجا سەرەکە یا گەل و دەولەتا ترکیەیێ یە و ئەرکێ کۆمیسیۆنا هەڤگرتنا نەتەوەیی، براتی و دەمۆکراسیێ ل پارلامەنتۆیا ترکیەیێ یە.
ناڤبری هەروەسا راگهاند، هەر بزاڤەکە ل سووریەیێ ب ناڤێ فەدەرالی ئان پارڤەکرنا وی وەلاتی گەفەکە جدییە و رووبرووبوونا ترکیەیێ ل دژی وان پرۆژەیان رەوا و پیرۆزە.
سەرۆکێ مه‌هه‌پێ هەروەسا گۆت، دڤێ هه‌سه‌ده پابەندی پەیمانا 10ێ ئادارێ بە، کو ب حکوومەتا سووریەیێ رە ئیمزە کریە. وەکی دن، ئێریشا لەشکەری ل سەر وان هێزان دێ ب ئیرادەیا هەڤپارا ئەنقەرە و شامێ ببە تشتەکی ڤەبر.
