ئێریشی بنگەھەکە پۆلیسێن ئزمیرێ ھات کرن، کوشتی و بریندار ھەنە

مەدیایا ترکیەیێ پارڤە کریە کو ل ئیزمیرێ ئێریشەکا چەکداری ل سەر بنگەھەکە پۆلیسان ھاتیە کرن و کوشتی و بریندار ھەنە.

مەدیایا ترکیەیێ راگھاند کو، ئیرۆ دوشەمبێ، 8ێ ئیلۆنا 2025ێ، د ئێریشەکا چەکداری دە ل بنگەھەکە پۆلیسێن ئیزمیرێ دو پۆلیس ھاتن کوشتن و یەک ژی ب گرانی بریندار بوو.

مەدیایا ترکیەیێ ئاماژە ژی دا کو، ئەو ئێریش ل سەر بنگەھا پۆلیسان یا سالح ئشگۆرەنێ یا ل باژارکێ بالچۆڤایێ یێ ئزمیرێ ھاتیە کرن. د ئەنجاما وێ ئێریشێ دە، دو ئەفسەرێن پۆلیسان ھاتنە کوشتن و یەک ژی ب گرانی بریندار بوویە.

مەدیایا ترکیەیێ ئەشکەرە ژی کریە کو، ئەو ئێریش ژ ئالیێ نیڤمێرەکێ 16 سالی ڤە ھاتیە کرن و لێکۆلین ل سەر وێ روودانێ بەردەوامە.