سەرۆکێ شارەداریا بایرامپاشایێ ھاتە دەستەسەرکرن

ل ستانبولێ ئۆپەراسیۆنەک ل دژی شارەداریا بایرامپاشایێ یا ب سەرۆکاتیا جەهەپێ ھاتە دەستپێکرن.

لێپرسین ژ ئالیێ سەردۆزگەریا گشتی یا ستەنبۆلێ ڤە تێ رێڤەبرن.

د چارچۆڤەیا لێپرسینێ دە، 48 کەس، تەڤی شارەدارێ بایرامپاشایێ حەسەن موتلو، ھاتن بنچاڤکرن.

جیگرێ شارەدارێ بایرامپاشایێ لووتف کادیئۆغولاری ژ ئالیێ پۆلیسان ڤە برن نەخوەشخانەیێ و ژ کۆنترۆلا تەندورستیێ دەرباس بوو.

ب ئۆپەراسیۆنێ رە، گەلەک تیمێن پۆلیسان سەرێ سبێ گھیشتن ئاڤاھیا شارەداریێ. تیمان ئاڤاھی لێگەرین کرن.

شارەدار موتلو و گومانبارێن دنێن د دۆسیایا دۆزێ دە ب زۆرێ، بەرتیل، سەختەکاریا گران و دەستوەردانا ل ئیحالەیان ھاتن تاوانبارکرن.

ل سەر بریارا سەردۆزگەریا گشتی، پۆلیسان ل 72 مال و کارگەھان لێگەرین دەست پێ کر.

د ناڤ جھێن کو لێگەرین لێ ھات کرن دە ئاڤاھیا شارەداریێ ژی ھەبوو.

حەسەن موتلو د ھلبژارتنێن 31ی ئادارا 2024ێ دە ب رێژەیا ژ سەدی 46.67 یا دەنگان ژ پارتیا گەلا کۆماری (جەهەپێ) وەکی شارەدار ھات ھلبژارتن.