ناسنامه‌یا 2 جوانێن دن یێن كوردان ئاشكه‌ره بوو كو رێخستنا په‌كه‌كێ ئه‌و ژی ل سالا 2019ێ ل چیایێ گاره‌ی داینه كوشتن و مرنا وان ڤه‌شارتی هشتبوو.
هه‌په‌گێ باسكێ له‌شكه‌ری یێ په‌كه‌كێ رۆژا شه‌میا رابووری 13 ئیلۆنا 2025ێ ناسنامه‌یا 2 گه‌ریلایان ئاشكه‌ره كر كو ل 14ی جۆتمه‌ها سالا 2019ێ ل چیایێ گاره‌ی یێ ل باشوورێ كوردستانێ دابوونه كوشتن و مرنا وان ل مالباتێن وان ڤه‌شارتبوو.
ناڤێن وان ووسایه:
سه‌زه‌ر به‌ده‌رددین ژ بدلیسێ.
بارش محه‌مه‌د عه‌لی ژ بدلیسێ.
هه‌په‌گێ وه‌كه ته‌ڤ رێهه‌ڤالێن وان یێن كو به‌ر ب مرنێ ڤه ئاژۆتین، مرنا ڤان دو جوانێن كوردان ژی 6 سالان ل مالباتێن وان ڤه‌شارتبوو و ژ نوو ڤه هاتیه د په‌سنێ وان ده دبێژه: مه ملیتانێن خوه یێن ئاپۆیی وه‌ندا كرن!.
په‌كه‌كه هه‌ر رۆژ وێنه‌یێن كۆمێن كه‌چ و جوانێن كوردان د مه‌دیایا خوه ده پارڤه‌دكه، جوانێن كو د سال و مه‌هێن به‌رێ ده داینه كوشتن و مرنا وان ڤه‌شارتی هشتی، ل گۆری ئاگاهیێن داركا مازی هێژان ب هه‌زاران كه‌چ و جوان مانه كو په‌كه‌كێ مرنا وان ئیلان نه‌كری یه.
