پرسگرێک کەتیە ناڤبەرا ئالیێن چارچۆڤەیا هەماهەنگیێ و هەڤپەیمانیا نووری مالکی دبێژە کو ئەوێ رێ نەدن ژ بۆ جارا دویەم محه‌مه‌د شه‌یاع سوودانی ببە سەرۆکوەزیرێ ئیراقێ.
بەردەڤکێ هەڤپەیمانیا دەولەتا یاسا عەقیل فەتلاوی راگەهاند، هن ئەندام و نامزەتێن وان تەڤلی لیستەیا محەمەد شه‌یاع سوودانی بوونە و رەد کر کو ب رێبازێن جوودا و شیانا دەولەتێ ژ بۆ وێ ئارمانجێ خەبات هاتیە کرن.
هەرواها دیار کر: هەڤپەیمانیا مە دێ قەبوول نەکە کو سوودانی دیسا ببە سەرۆکوەزیر ژ بەر هەژمارەک مژاران کو ژ وان ژی سەرۆکوەزیر نرخ نادە مژارا هەڤبەشی و شریکتیێ. ژ بەر ئەو یەک گەلەک گرنگە کو ئەڤ حکوومەتە داییکبوویێ چارچۆڤەیا هەماهەنگیێ یە.
هه‌روه‌ها گۆت: لێ وی ئەو یەک ل بەرچاڤ نەگرت و گەلەک تێبینی ل سەر حکوومەتێ هەنە. نها سوودانی کار ل سەر وێ یەکێ دکە کو وەلاتێن هەرێمی و ئەوروپا و ب تایبەت ژی ئامەریکایێ دەربارێ خوە دە رازی بکە.
