دادوەریا ئیرانێ د داخویانیەکێ دە ئەشکەرە کر: “پشتی تەمامکرنا ھەموو رێکارێن یاسایی و وەرگرتنا پەسەندکرنا دادگەھا بلند، سەرێ سبەها ئیرۆ 4ێ جۆتمەھێ، سزایێ بدارڤەکرنێ ل سەر شەش ‘تەرۆریستێن جوداخواز’ کو د سالێن بۆری دە ب رێیا زنجیرەیەک ئۆپەراسیۆنێن چەکداری و بۆمبەبارانێ ئەولەھیا پارێزگەھا خوزستانێ کربوون ئارمانج، ھاتە جیبجیکرن.”
د داخویانیێ دە ھەروھا ھات گۆتن، “ڤێ تۆرێ راستەراست د کوشتنا ھەژمارەک ئەندامێن ھێزێن ئەولەکاریا ناڤخوەیی و پاسداران دە جھ گرتیە،” کو د ناڤ وان دە ناڤێن عەلانەزەر سەفەری، محەمەد رەزا رەفیع نەسەب، عەلی سالح مەجد و یوونس بەحر ھەنە.
دادوەریێ راگھاند، کەسێن ھاتنە مەحکوومکرن، “ل خوە مکور ھاتنە کو چالاکیێن تێکدەرانە پلان کرنە و پێک ئانینە، وەکی چێکرن و دانینا تەقەمەنیان، تەقاندنا وێستگەهەکا گازێ ل خورەمشەھرێ، ئێرشێن چەکداری ل سەر بانکان، ئاڤێتنا نارنجۆکێن دەستان بۆ ناڤەندەکا سەربازی و گولەبارانکرنا مزگەفتان.”
د داویا داخویانیێ دە ھات دەستنیشانکرن کو ڤێ تۆرێ، ژ بلی کو “رۆلەکێ سەرەکی د ئۆپەراسیۆنێن تەرۆریستی دە لیستیە، لگەل ئیسرایلێ د ناڤا پەیوەندیێ دە بوویە و پشتگری ژ ئالیێن بیانی وەرگرتیە.”
