باخچەلی: ئیمرالیێ سۆزا خوە ب جهـ ئانی، دڤێ په‌كه‌كه چەکان بشەوتینە
سەرۆکێ گشتییێ مه‌هه‌پێ دەڤلەت باخچەلی راگهاند کو “په‌كه‌كه هاتیە فەسخکرن و ئیمرالیێ سۆزا خوە ب جهـ ئانیە، نها دۆر هاتیە کو هەموو پێکهاتەیێن رێخستنێ چەکێن خوە بشەوتینن”.
دەڤلەت باخچەلی ئیرۆ د جڤینا کۆما پارتیا خوە یا ل پارلامەنتۆیا ترکیەیێ دە ئاخڤی و بەحسا پێشهاتێن داوی یێن پێڤاژۆیا چارەسەریێ کر.
باخچەلی دیار کر كو ل دژی پێڤاژۆیێ کۆمپلۆ د دەورێ دەیە و گۆت: ژ بۆ تێکبرنا کۆمپلۆیێ “مەکانیزمایەک” د دەورێ دەیە.
هه‌روه‌ها گۆت: “دەولەتا ترکیەیێ ب وەلات و ملەتێ خوە رە یەکپارچەیە. ئارمانجا مە یا ترکیەیا بێتەرۆر پاراستنا ڤێ یەکپارچەبوونێیە”.
ده‌ڤله‌ت باخچه‌لی ده‌ستنیشان كر، راگهاندنا ئیمرالیێ یا کو دبێژە دەولەتەکە نەتەوەیی یا جودا، فەدەراسیۆن و خوەسەری نینە و رێخستنا تەرۆرێ بێواتە بوویە، داخویانیەکە گەلەکی گرینگە و گۆت: نها دۆر هاتیە کو هەموو پێکهاتەیێن رێخستنێ چەکێن خوە بشەوتینن.
