هەڤدیتنا ئەردۆگان و شاندا ئیمرالیێ هات پاشخستن
دەم پارتیێ بەرێ راگهاندبوو شاندا ئیمرالیێ دێ 28ێ مەهێ ب ئەردۆگان رە بجڤە لێ ب داخویانیەکێ بپاشخستنا جڤینێ یا 30ێ مەهێ هات راگهاندن.
دەم پارتیێ راگهاند کو ئەندامێن شاندا ئیمرالیێ پەروین بولدان و میتهات سانجار دێ 30ێ چریا پێشین ب سەرۆککۆمارێ ترکیەیێ رەجەپ تاییپ ئەردۆگان رە بجڤن.
د داخویانیا نڤیسکی یا ئۆفیسا چاپەمەنیێ یا دەم پارتیێ دە هات دیارکرن کو هەڤدیتن دێ ل کۆشکا سەرۆککۆماریێ پێک وەرە.
دەم پارتیێ د داخویانیا خوە دە گۆت: “ئەندامێن شاندا ئیمرالیێ یا دەم پارتیێ پەروین بولدان و میتهات سانجار دێ 30ێ چریا پێشین، رۆژا پێنجشەمێ ل کۆشکا سەرۆککۆماریێ ب برێز سەرۆککۆمار رەجەپ تایییپ ئەردۆگان رە بجڤن.”
بەری نها هاتبوو راگهاندن کو هەڤدیتن دێ 28ێ چریا پێشین وەرە کرن.
