ئه‌حمه‌د تورک: ئه‌ز رێزێ ل ده‌وله‌ت به‌گ دگرم و ئه‌ردۆگان پشتی ئه‌تاتورك كه‌سێ هه‌ری ب باندۆرە
ئاهمەت تورک دیار کر کو پێڤاژۆیا نها نە تەنێ دانینا چەکانە، ئەو پرۆژەیەکە مەزنە، وی په‌سنێ باخچه‌لی و ئه‌ردۆگان ژی دا و گۆت: ئه‌ز رێزێ ل ده‌وله‌ت باخچه‌لی به‌گ دگرم و ئه‌ردۆگان پشتی ئه‌تاتورك كه‌سێ هه‌ری ب باندۆرە.
هەڤسەرۆکێ بەرێیێ شارەداریا باژارێ مەزنا مێردینێ ئاهمەت تورکێ کو ل شوونا وی قەیووم هاتیە دانین ژ رۆژنامەیا ساباهێ رە ئاخڤی.
ئاهمەت تورک دیار کر کو «دڤێ ئەڤ پرۆژەنە تەنێ وەکی دانینا چەکان بێ دیتن» و گۆت: “ئەڤ پرۆژەیەکە مەزنە کو دێ رێ ل بەر دەمۆکراتیکبوونا رۆژهلاتا ناڤین ڤەکە.”
ئاهمەت تورک هەر وها پەسنێ سەرۆکێ مه‌هه‌پێ دەڤلەت باهچەلی و سەرۆککۆمارێ ترکیەیێ رەجەپ تایییپ ئەردۆگان دا.
وی ئانی زمان کو ترکیەیەکە کو پرسگرێکا کوردان چارەسەر کربە دێ تەڤکاریەکە مەزن بدە دەمۆکراتیکبوونا رۆژهلاتا ناڤین و گۆت: “دڤێ مرۆڤ ل پێڤاژۆیا چارەسەریێ وەکی وێنەیەکی مەزن بنێرە. فکرا وە چ بە بلا بە، دڤێ مرۆڤ تەڤکاریێ ل پێڤاژۆیا چارەسەریێ بکە.”
ئاهمەت تورک دا زانین کو هەلوەستا دەڤلەت باهچەلی یا ل هەمبەری پێڤاژۆیێ ب بریارە و گۆت: “ئەز گەلەک رێزێ ل دەڤلەت بەگ دگرم. ئەو کەسەکە کو د ڤێ پێڤاژۆیێ دە ب ئاوایەکی خورت رادوەستە و خوەدی ل پێڤاژۆیێ دەردکەڤە.
ئاهمەت تورک بال کشاند سەر رۆلا سەرۆککۆمارێ ترکیەیێ یا د پێڤاژۆیێ دە و دیار کر: «ئەردۆگان پشتی موستافا کەمال لدەرێ هەری ب باندۆرە»
هه‌روه‌ها گۆت: “ژ بەر کو سەرۆککۆمار پشتگریێ ددە ڤێ پێڤاژۆیێ، پێڤاژۆ ب پێش ڤە دچە.
هەتا ئیرۆ ژ بلی موستافا کەمال، کەسێ کو د هەموو سازیێن دەولەتێ دە خوەدی هێزەکە ب باندۆر بوویە، برێز ئەردۆگانە.”
