کۆمیسیۆنا ھەلبژارتنان: سەدی 50یێ ھێزێن ئەولەھیێ ھەتا نھا بەشداری پرۆسەیا ھەلبژارتنێ بوونە

کۆمیسیۆنا بلند یا سەربخوەیا ھەلبژارتنێن ئیراقێ راگەھاند، رێژەیا بەشداربوونا ل دەنگدانا تایبەت دە ژ سەدی 50یێ دەرباس کریە.

بەرپرسێ ئۆفیسا ھەرێما کوردستانێ یێ کۆمیسیۆنا ھەلبژارتنێن ئیراقێ نەبەرد عۆمەر د جڤینەکا چاپەمەنیێ دە راگەھاند: “ئیرۆ 9/11/2025 ھەتا دەمژمێر 11:00 بەر ب نیڤرۆ رێژەیا بەشداربوونا د ھەلبژارتنان دە د ئاستەکی پر باش دە بوویە و چ پرسگرێکەک ژی دەرنەکەتیە. ھەروەھا ھێزێن ئەولەھیێ ب ئاوایەکی گەلەک باش بەشداری پرۆسەیێ دبن.”

ل سینۆرێ پارێزگەھا ھەولێرێ 111 ھەزار دەنگدەرێن تایبەت ھەنە و نھا ژ وێ رێژەیێ سەدێ 50 ھێزێن ئەولەھیێ بەشداری دەنگدانێ بوونە. 958 بنگەهێن دەنگدانێن تایبەت ھەنە، ژ دەستپێکرنا پرۆسەیا دەنگدانێ ڤە تەنێ چار بنگەهان دە پرسگرێکێن تەکنیکی ھەبوون، لێ ئەو پرسگرێک ژی ھاتن چارەسەر کرن.

ل گۆر گۆتنێن کۆمیسیۆنا بلندا سەربخوەیا ھەلبژارتنان ھەتا دەمژمێر 11:00 چ پرسگرێکەک د دەنگدانا تایبەت دە چێنەبوویە و ھەموو کار ب باشی برێڤە دچە و پرۆسە بەردەوام دکە.