باخچه‌لی: پێڤاژۆ بەر ب داویێ ڤە دچە
سەرۆکێ گشتییێ مه‌هه‌پێ دەولەت باخچه‌لی گۆت کو پێڤاژۆ بەر ب داویێ ڤە دچە.
سەرۆکێ گشتییێ مه‌هه‌پێ دەولەت باخچه‌لی د جڤینا هەفتانە یا کۆما پارتیا خوە یا ل پارلامەنتۆیێ دە ئاخڤی و گۆت کو د تفاقا جومهورێ دە ت پرسگرێک نینن.
دەولەت باخچه‌لی بال کشاند سەر پێڤاژۆیا کو پشتی بانگا ئابدوڵاهـ ئۆجالان یا 27ێ سباتێ دەست پێ کریە و گۆت:
«پشتی ڤێ پێڤاژۆیێ ترکیە دێ ژ ڤی باری خەلاس ببە. چ دبێژن بلا ببێژن دێ ئاسۆیا ترکیەیەکە بێتەرۆر دەرکەڤە هۆلێ.
دڤێ نەخشەرێیا پاشەرۆژێ ب تەجروبەیێن مە وەرە خێزکرن و ژ بلی ڤێ ت ڤەبژێرکێن مە نینن.»
باخچه‌لی د بەردەوامیا ئاخافتنا خوە دە گۆت:«کەسێن کو ل دژی ترکیەیەکە بێتەرۆر دەردکەڤن بلا ل خوە مکور بێن، ما هوون دخوازن تەرۆر ب داوی ببە یان نا؟
د دەمەکێ دە کو ل سەر ماسەیا سیاسەتا جیهانی و هەرێمی کارت ژ نوو ڤە تێن بەلاڤکرن، ئەم ببنیێن کو تێن خوارن ئان نا؟
ئەڤ وەلات وەلاتێ مە هەموویانە. بکارئانینا زمانەکی باش و ئەمپاتی بەرپرسیاریا هەموو پارتیێن سیاسی و هەر کەسییە.
رێلبەرگرتنا دژمناتیا ل هەمبەری هەڤ بەرپرسیاریا هەر کەسییە.
پێڤاژۆیا ترکیەیەکە بێتەرۆر بەر ب داویێ ڤە دچە. ئارمانجا مە ئەوە کو ترکیە دەرکەڤە لووتکەیێ.»
