ھەڤسەرۆکا دەم پارتیێ: چارەسەریا پرسا کوردان ئەرکەکێ دیرۆکی یێ ھەمی پارتیانە

ھەڤسەرۆکا دەم پارتیێ تولای ھاتمۆغلاری راگھاند کو، بریارا کۆمیسیۆنا پرۆسەیا ئاشتیێ یا سەردانا ئیمرالیێ بریارەکا دیرۆکییە و ژ بۆ گھشتنا ئاشتیەکا ماییندە پێنگاڤەکا گرینگە.

ھاتمۆغلاری رەخنەیێ ل جەهەپێ دگرە کو تەڤلی بریارێ نەبوویە و گۆت کو، ئەو ناخوازن پرۆسەیا ئاشتیێ ژ بۆ بەرژەوەندیێن تەنگ یێن ھندەک پارتیێن سیاسی بهێت بکارئانین و بانگا بداویکرنا سیاسەتا سەد سالان یا ئینکارکرن و تونەکرنێ کر.

ھەڤسەرۆکا دەمێ ھەروەسا گۆت: “ئەڤ بریار دیرۆکییە. شاندا ھاتیە دیارکرن دێ د رۆژێن پێش دە سەردانا ئیمرالیێ بکە و ل گەل برێز عەبدوللا ئۆجالان بجڤە و ل سەر پرسا سەدسالی نێرینێن وی وەربگرە.”

ھاتمۆغلاری ئاماژە ژی دا: “لێ بریارا تەڤلینەبوونا جەهەپێ جھێ دلگرانیێ یە. مخابن، ئینکارکرن و تونەکرنا سەد سالان جارەکە دن تێ زیندیکرن. چارەسەریا پرسا کوردان ئەرکەکی دیرۆکی یێ ھەمی پارتیانە.”

ھەڤسەرۆکا دەم پارتیێ تەکەز ژی کر: “ئاشتی ژ بەرژەوەندیێن تەنگ یێن ھەمی پارتیان بلندترە. ئالیێن دژی ئاشتیێ نکارن ترکیەیەکا دەمۆکراتیک ئاڤا بکن.”