باخچەلی: ئیمرالی یەک ژ لایەنێن ھەری جدی یێن ئارمانجا ترکیەیەک بێ تەرۆرە

سەرۆکێ مەھەپێ دەولەت باخچەلی د جڤینا کۆما پارلەمانی یا پارتیا خوە دە دەربارێ پێڤاژۆیا ئاشتیێ دە داخویانی دا.

باخچەلی جارەکە دن ل سەر پێڤاژۆیێ ئاخڤی و گۆت: ترکیە ل بەر دەریەکی دیرۆکییە. پرسگرێکا راستین ئەوە کو د جیھانەک گوھەربار دە رۆلەک پێشەنگ بلیزە.

باخچەلی رەخنە ل وان کەسان ژی گرت کو، دبێژن دڤێت باخچەلی ژ بۆ ھەلوەستا خوە وەرە دادگەهکرن و گۆت: ھوون ئەون کو ژ بەر خاپاندنا خوە یا تۆربەیێ و حەزکرنا خوە یا ژ بۆ تشتێن پچووک تێنە دادگەهکرن. د ڤی تەمەنی دە، ئەز ب وێرەکی و راستگۆیی رادگھینم: ئەز تەنێ ھێڤی دکم کو ملەتێ ترک ئارامیێ ببینە، تەرۆریزم ژ ژیانا مە ب ئاوایەکی دایمی وەرە راکرن، بلا مە دارڤەبکن. مە قەت گوھ نەدایە ڤان پارێزڤانێن دەرەوین.

باخچەلی بەحسا سەرەدانا ئیمرالی ژی کر و گۆت: ئیمرالی یەک ژ لایەنێن ھەری جدی یێن ئارمانجا ترکیەیەک بێ تەرۆرە. سەردانا وەکیلان بۆ گراڤێ پێشکەتنەک دیرۆکییە. ئەز ب دل و جان سپاسیا وەکیلێن مە دکم.