پارلامەنتۆیا ترکیەیێ پێنگاڤێن پێڤاژۆیا ئاشتیێ نیقاش دکە

سەرۆکێ پارلامەنتۆیا ترکیەیێ ب کۆمیسیۆنا ئاشتیێ یا پارلامەنتۆیا ترکیەیێ رە ل سەر پێنگاڤێن داویێ یێن پێڤاژۆیا ئاشتیێ دجڤە و راپۆرتا داویێ کو ژ ھێلا وێ کۆمیسیۆنێ ڤە تێ ئامادەکرن نیقاش دکە.

سەرۆکێ پارلامەنتۆیا ترکیەیێ نومان کورتولموش و کۆمیسینا ئاشتیێ یا پارلامەنتۆیا ترکیەیێ ئیرۆ رۆژا چارشەم، 17/12/2025ێ ل سەر پێڤاژۆیا ئاشتیێ و پێنگاڤێن پاشەرۆژێ یێن وێ پێڤاژۆیێ لگەل وەکیلێ سەرۆکێن فراکسیۆنێن ناڤ پارلەمەنتۆیا ترکیەیێ و نوونەرێن ئالیان د کۆمیسیۆنا ھەڤدەنگیا نەتەوەیی، براتی و دەمۆکراسیێ دە دجڤە.

مەدیایا نێزیکی دەستھلاتا ترکیەیێ ژی راگھاند کو، مژارا سەرەکی یا وێ جڤینێ دێ نیقاشکرنا وێ راپۆرتێ بە یا کو ژ ھێلا وێ کۆمیسیۆنێ ڤە ل سەر رەفۆرمێن قانوونی یێن پێڤاژۆیا ئاشتیێ تێ ئامادەکرن، کو ب بنگەھا قانوونی یا وێ پێڤاژۆیێ تێ بناڤکرن.

ئەڤ د دەمەکێ دەیە کو، شاندا دەم پارتیێ یا ئیمرالیێ ژی دەست ب گەرەکا نوو یا سەردانێن ئالیان کریە و بریارە کو ل رۆژا 20ێ مژدارێ لگەل سەرکردەتیا ئاک پارتیێ ل سەر رەفۆرمێن قانوونی بجڤە.

پارلامەنتۆیا ترکیەیێ ل رۆژا ئینێ 21ێ مژدارا 2025ێ ب دەنگێن سێ ل سەر پێنجێ یێن تەڤایا ئەندامێن کۆمیسیۆنا ھەڤدەنگیا نەتەوەیی، براتی و دەمۆکراسیێ بریار دا کو سەردانا عەبدوللاھ ئۆجالان ل گراڤا ئیمرالیێ بکن.

د وێ کۆمیسیۆنێ دە، 32 دەنگێن ئەرێ، سێ دەنگێن بێ ئالی و دو دەنگێ نەخێر ھەبوون.