قەسرا ئۆجالان ل ئیمرالیێ بەر ب تەمامبوونێ ڤە دچە

بەری نھا دەمەکی ھاتبوو نڤیساندن کو د چارچۆڤەیا پێڤاژۆیا چارەسەریێ دە ژ بۆ ئۆجالان، ل ئیمرالیێ خانیەک مەزن دێ وەرە پێکانین. رۆژنەمەیا سۆزجوو یا ترکیێ د نووچەیەکی دە جھ ددە ڤێ یەکێ و دبێژە: ل گۆری ئیدیعایان، ئەڤ خانی بەر ب تەمامبوونێ ڤە دچە. ڤەگوھەستنا سەرۆکێن سەرەکی یێن پەکەکێ بۆ ئیمرالیێ ژی د رۆژەڤێ دەیە.

کۆمیسیۆنا ھەڤگرتنا نەتەوەیی، براتی و دەمۆکراسیێ یا کو ل مەجلیسا مەزن یا نەتەوەیی یا ترکیەیێ ھاتیە دامەزراندن، ژ بۆ پێشکێشکرنا پێشنیارێن قانوونی گھیشتیە قۆناغا نڤیساندنا راپۆرەکێ.

ھەر چقاس تێ پایین کو پارتی ھەتا داویا ڤێ ھەفتەیێ راپۆرێن خوە تەمام بکن ژی، بال کشاندیە سەر گاڤێن نوو یێن کو د ڤێ پێڤاژۆیێ دە وەرن ئاڤێتن. ل گۆری راپۆرەک د ئۆدا تیڤی دە، ھاتیە ھینبوون کو جھێ نوو یێ کو ژ بۆ ئۆجالان ل گراڤا ئیمرالیێ ھاتیە ئامادەکرن، ل بەر تەمامبوونێ یە. یەک ژ پرسێن د ڤێ پێڤاژۆیێ دە ئەڤە کو ئەندامێن پەکەکێ چاوا دێ وەرن دادگەهکرن و ئەنتەگرەکرن.

راستیا کو زێدەتری 200 بەرپرس و چەکدار، دخوازن ل شوونا فۆرمولا وەلاتێ سێیەمین ڤەگەرن ترکیەیێ، ئیحتیمالا گراڤا ئیمرالیێ ئانی رۆژەڤێ. تێ گۆتن کو د دەستپێکێ دە تێ پلانکرن کو ئەڤ کەس 3 سالان ل ور بمینن، کو ئەنتەگرەکرنا وان دێ وەرە مسۆگەرکرن. ھەر وھا تێ راگھاندن کو ئەڤ ناڤ ژ ئۆجالان رە ھاتنە دایین و ژ وان ھاتیە پرسین کو ئەو دخوازە کی ب وی رە بە.