ل گۆری راگھاندنا حکوومەتا ھەرێما کوردستانێ، سەرۆککۆمارێ مسرێ کێفخوەشیا خوە ب سەردانا سەرۆکوەزیرێ ھەرێما کوردستانێ ئانی زمان و ئامادەبوونا وەلاتێ خوە ژ بۆ پێشخستنا تێکلیێن دوئالی تەکەز کر.
وەکی کو د وێ راگھاندنێ دە ھاتیە گۆتن، “سەرۆکێ حکوومەتا ھەرێما کوردستانێ پەسنێ رۆلا مسرێ و سەرۆککۆمار سیسی ژ بۆ چەسپاندنا ئاشتی و ئارامیا دەڤەرێ کر.”
وێ راگھاندنێ ئاماژە ژی دا کو، د وێ جڤینێ دە تەکەزی ل سەر گرینگیا خورتکرنا تێکلیێن د ناڤبەرا ھەرێما کوردستانێ و مسرێ دە د وارێن جودا جودا دە، ب تایبەتی د وەبەرھێنان و لھەڤگوھەرتنێن بازرگانی دە ھات کرن.
د بەشەکا دن یا دانوستاندنان دە، “ھەردو ئالی ل سەر بەردەوامکرنا ھەماهەنگی و ھەڤکاریێ ژ بۆ پاراستنا ئەولەھی و ئارامیا ھەرێما کوردستانێ، ئیراق و دەڤەرێ ھەڤنەرین بوون.”
سەرۆکێ حکوومەتا ھەرێما کوردستانێ مەسروور بارزانی دوھی رۆژا شەمی، 20/12/2025ێ ب سەردانەکا فەرمی گھیشت قاھیرەیا پایتەختا مسرێ و ژ ئالیێ وەزیرێ رەوشەنبیریێ ئەحمەد فوئاد حنۆ و ھەژمارەکا رایەدارێن دن یێن مسرێ ڤە پێشوازیا وی ھات کرن.
