شاندا دەم پارتیێ یا ئیمرالیێ لگەل وەزیرێ دادێ یێ ترکیەیێ جڤیا

 شاندا دەم پارتیێ یا ئیمرالیێ لگەل وەزیرێ دادێ یێ ترکیەیێ جڤیا و پێ رە مژارێن دادپەروەری و مافناسیێ نیقاش کرن. ئەندامەکێ وێ شاندێ راگھاند: “ئەم دخوازین ئاشتی ب یاسایان بهێت نیقاشکرن و ل سەر زەمینا دادپەروەریێ ھەرتمی بە.”

شاندا پارتیا وەکھەڤی و دەمۆکراسیا گەلان (دەم پارتی) یا ئیمرالیێ ئیرۆ رۆژا سێشەم، 23/12/2025ێ، ل گەل وەزیرێ دادێ یێ ترکیەیێ یلماز تونچ جڤیا.

ئەندامێ شاندا ئیمرالیێ میتحەت سانجار راگھاند کو، د وەزارەتا دادێ دە ژ بۆ پێڤاژۆیا ئاشتیێ ئامادەکاریێن مەزن ھەنە و ئەو دخوازن پرۆسەیا ئاشتیێ ب یاسایێ گارانتی و ھەرتمی بکن.

میتحەت سانجار ھەروەسا گۆت: “مە مژارێن دادپەروەری و مافناسیێ نیقاش کرن. د دەرحەقا دەرخستنا یاسایێن ڤێ پێڤاژۆیێ ژی، مە نێرینێن خوە ب ھەڤ گوھەرتن.”

ناڤبری ئاماژە ژی دا: “ئاشتی ب گەرەنتیێن یاسایی ھەرتمی دبە. ئەم دخوازین زەمینا یاسایی ژ بۆ ئاشتیێ گونجایی بە. وەزارەتا دادێ ئاگاھی دان و مە ژی دیت کو ئامادەکاریێن بەرفرەھ ھەنە.”

ئەندامێ شاندا ئیمرالیێ رۆن ژی کر: “ئەم دخوازین ئاشتی ب یاسایێ بهێت گارانتیکرن و ل سەر زەمینا دادپەروەریێ ھەرتمی بە.” ژهەروەسا گۆت: “ئەم بزاڤێ دکن کو ڤێ پێڤاژۆیێ بگھینن ئاشتی، دەمۆکراسی و دادپەروەریێ. ئەڤ ژی ب کارێ مە ھەمیان دبە.

شاندا پارتیا وەکھەڤی و دەمۆکراسیا گەلان (دەم پارتی)یا ئیمرالیێ، کو ژ پەروین بولدان، میتحەت سانجار و پارێزەر ئۆزگور ئەرۆل پێک تێ، گەرا خوەیا ھەڤدیتنانا لگەل ئالیێن سیاسی و حکوومی ددۆمینە.

شاندا ناڤبری پێشتر ل رۆژا دوشەمبێ 22/12/2025ێ دەمژمێر 12:00 نیڤرۆیێ لگەل سەرۆکێ گشتی یێ پارتیا گەل یا کۆماری (جەهەپێ) ئۆزگور ئۆزەل و دەمژمێر 16:00 ژی لگەل سەرۆکێ پارتیا کەدێ (ئەمەئەپێ) سەیید ئاسلان جڤیا.