شاندا دەم پارتیێ یا ئیمرالیێ لگەل سەرۆکێ پارلەمەنتۆیا ترکیەیێ جڤیا

 ئەندامێن شاندا دەم پارتیێ یا ئیمرالیێ ل گەل سەرۆکێ پارلەمەنتۆیا ترکیەیێ جڤیان. ئەندامەکێ وێ شاندێ پشتی وێ ھەڤدیتنێ راگھاند کو، وان ھەڤدیتنەکا گرینگ و بەرھەمدار کریە و ژ بۆ پێڤاژۆیا ئاشتیێ دامەزراندنا کۆمیسیۆنا پارلەمەنتۆیێ تەنێ، خوەدی واتەیەکە دیرۆکییە. 

ئەندامێن شاندا پارتیا وەکھەڤی و دەمۆکراسیا گەلان (دەم پارتی)یا ئیمرالیێ ئیرۆ رۆژا سێشەم، 23/12/2025ێ لگەل پارلەمەنتۆیا ترکیەیێ نومان کورتولموش جڤیا.

ئەندامێ شاندا پارتیا وەکھەڤی و دەمۆکراسیا گەلان (دەم پارتی) یا ئیمرالیێ میتحەت سانجار راگھاند: “د وارێ رەوابوونا دەمۆکراسی، تەڤلیبوونا ھەمی ئالیان، شەفافیەت و گارانتیێ دە رۆلا پارلەمانتۆیێ گەلەک گرنگە. نھا قۆناغا نڤیساندنا راپۆرتا ھەڤپارە. ھاتیە پلانکرن کو راپۆرت مەھا یەکێ تەمام ببە.”

میتحەت سانجار ھەروەسا گۆت: “ئەز دکارم وەک ئەنجامێ ھەر دو ھەڤدیتنان ببێژەم: پێدڤیتیتا ڤێ پێڤاژۆیێ ب گارانتیێن قانوونی ھەیە. پشتەڤانیا جڤاکی گرنگە. سیستەمەکە دادپەروەر و وەکھەڤیا قانوونی ژ بۆ ئاشتیا جڤاکی گەلەک گرنگە. دەمۆکراسی ژ بۆ ھەمی وەلاتە و ئاشتی ژ بۆ پرسا کوردان و ھەمی دەڤەرێ واتەدارە.” 

ئەنداما شاندا ئیمرالیێ پەروین بولدان ژی راگھاند: “ھەڤدیتنەکا باش بوو. د ڤێ پرۆسەیێ دە تشتێ گرنگ ئەڤە: لھەڤھاتنەکا ھەڤپارا ئیرادەیا سیاسی ھەیە. ئالیێ دن ئەم خوەدیلێدەرکەتنا پارلەمانتۆیێ ژی ژ بۆ ڤێ پێڤاژۆیێ گەلەک گرینگ دبینن.”

پەروین بولدان ھەروەسا گۆت: “رێزدار کورتولموش وەک سەرۆکێ کۆمیسیۆنێ خوەدی ل ڤێ ئیرادەیێ دەردکەڤە. ژ بۆ ڤێ ژی، ئەم سپاسیا وی دکن. ئەم ل بەندێ نە کو کارێ کۆمیسیۆنێ ناڤەراستا مەھا چلەیێ بداوی ببە.”