حەماسێ کوشتنا ئەبو عوبەیدە پشتراست کر
تەڤگەرا حەماسێ ب داخویانیەکێ کوشتنا بەردەڤکێ بەرێ یێ لیوایێن قەسامێ ئەبو عوبەیدە پشتراست کر.
ئارتێشا ئیسرائیلێ 31ێ تەباخا ئیسال راگهاندبوو کو وێ بەردەڤکێ لیوایێن قەسامێ ئهبو عوبەیدە ل باژارێ غهزهیێ کوشتیە.
وەزیرێ پاراستنێ یێ ئیسرائیلێ ئیسرائیل کاتز 31ێ تەباخا 2025ان ل سەر پلاتفۆرما X گۆتبوو:
“ئهبو عوبەیدە یێ بەردەڤکێ حەماسا تەرۆریست ل غهزهیێ هات کوشتن.”
کاتز ژ بەر ڤێ یەکێ هێزێن ئەولەهیێ یێن وەلاتێ خوە پیرۆز کربوو.
حەماسێ ئیرۆ ئەڤ نووچە پشتراست کر.
ل گۆری ئیسرائیلێ، ئهبو عوبەیدە د ئێرشەکە ئارتێشا ئیسرائیلێ یا ل سەر تاخا ریمالێ یا باژارێ غهزهیێ دە هاتیە کوشتن.
چاپەمەنیا ئیسرائیلێ راگهاندبوو کو ئارتێشێ د ڤێ ئێرشێ دە “بۆمبەیێن ب ئیسابەتا بلند” ب کار ئانینە.
ل ئالیێ دن، بەریا داخویانیێن کاتز و نەتانیاهو، ئارتێشا ئیسرائیلێ راگهاندبوو کو وان ل غهزهیێ “کەسەکی گرینگێ حەماسێ” هەدەف گرتیە لێ ناڤ ئەشکەرە نەکربوو.
ئهبو عوبەیدە وەکی كەسەکی گەلەکی گرینگێ باسکێ لەشکەری یێ حەماسێ دهات ناسکرن.
