ههسهده و حكوومهتا شامێ جڤیان
شاندەکا بلندا ههسهدێ ئیرۆ ب رایەدارێن حکوومەتا سووریەیێ رە ل سەر تەڤلهەڤکرنا هێزێن هەر دو ئالیان جڤیا.
مەدیایا نێزیکی ههسهدێ ئیرۆ یەکشەمی 4 چلهیا 2026ێ بەلاڤ کر کو، شاندەکا بلند یا هێزێن سووریەیا دەمۆکراتیک (ههسهدێ) و رایەدارێن حکوومەتا سووریەیێ ل شامێ جڤیان.
ل گۆری زانیاران، ئارمانجا سەرەکە یا وێ جڤینێ نیقاشکرنا ل سەر چارچۆڤەیا پێڤاژۆیا تەڤلهەڤکرنا لەشکەری یا د ناڤبەرا هێزێن ههسهدێ و ئارتێشا سووریەیێ دە بوو.
هوورگلیێن تەمام یێن وێ پەیمانێ ئان ناڤەرۆکا وێ جڤینێ هین نەهاتنە ئەشکەرەکرن و بریارە کو، ئەنجام و هوورگلی پاشتر ژ رایا گشتی رە بێن ئەشکەرەکرن.
ناڤەندا راگهاندنێ یا هێزێن سووریەیا دەمۆکراتیک هەر ئیرۆ سبەهێ د پۆستەکێ دە ل سەر تۆرا جڤاکی یا Xێ راگهاندبوو کو، شاندەکا سەرکرداتیا ههسهدێ گهیشتبوو شامێ و ب رایەدارێن حکوومەتا سووریەیێ رە د جڤینێ دە بوو.
ئەندامێن شاندا ههسهدێ ئەڤن:
– فەرماندارێ گشتییێ هێزێن سووریەیا دەمۆکراتیک (ههسهدێ) مەزلووم عهبدی.
– ئەندامێ فەرمانداریا گشتی یا ههسهدێ سۆزدار حاجی.
– ئەندامێ فەرمانداریا گشتی یا ههسهدێ سیپان حەمۆ.
ئەڤ جڤین ب ئامادەبوونا فەرماندارێ هێزێن «Operation Inherent Resolve»ێ گەنەرال کەڤن جهی. لامبەرت هات لدارخستن، کو ئەڤ ژی گرینگیا ناڤنەتەوەیی یا ڤان هەڤدیتنان نیشان ددە.
