ل تاخێن کوردان یێن حهلهبێ دیسا شەر دەست پێ کر
ل تاخێن شێخمەقسوود و ئەشرەفیەیێ یێن حهلهبێ شەر و پەڤچوونێن دژوار د ناڤبەرا هێزێن ئەولەهیا هوندرین (ئاساییش) و ئارتێشا سووریەیێ دە دەرکەتن و نەخوەشخانەیەک ژ کار کەت.
ئیرۆ سبەهێ جارەکە دن ئێرشێن ل تاخێن کوردانێن حهلهبێ دەست پێ کر.
هات راگهاندن ژ شەڤا بۆری ڤە شەر ل تاخێن شێخمەقسوود و ئەشرەفیەیێ رانەوەستیایە و ئیرۆ بەرێ سبەهێ دیسا ب دژواری دەست پێ کریە.
ئارتێشا سووریەیێ ژ دۆهـ ڤە ئاستا ئێرشێن خوە یێن ل سەر تاخێن د بن کۆنترۆلا ئاساییشا رێڤەبەریا خوەسەر دە دژوارتر کریە.
ل گۆری داخویانیا ئاساییشا وان تاخان، ژ چریا پێشینا 2025ان ڤە ئەو دەڤەر ژ ئالیێ کۆمێن سەر ب حکوومەتا سووریەیێ ڤە راستی ئێرشان تێن.
د ئێرشا داوی یا کو دۆهـ هات کرن دە، 4 کەسان جانێ خوە ژ دەست دا و ب دەهان کەسێن دن ژی بریندار بوون.
