ئارتێشا سووریەیێ شهر ل دژی تاخێن کوردان راگهاند: بارەگەهێن ههسهدێ ئارمانجێن مە یێن رەوانە
دەستەیا ئۆپەراسیۆنان یا ئارتێشا عەرەبی یا سووریەیێ راگهاند کو ژ نها و پێ ڤە هەموو پێگەهێن لەشکەری یێن هێزێن سووریەیا دەمۆکراتیک (ههسهدێ) یێن ل تاخێن شێخمەقسوود و ئەشرەفیێ یێن باژارێ حەلەبێ، وەکی “هەدەفێن لەشکەری یێن رەوا” تێن دیتن و دێ بێن ئارمانجکرن.
ئارتێشا سووریەیێ د داخویانیەکێ دە ئاماژە ب وێ یەکێ کر کو ئەڤ گاڤ پشتی وێ یەکێ تێ کو وان هێزان (ههسهدێ) ئالۆزیێن خوە بەر ب تاخێن دن یێن باژارێ حەلەبێ ڤە بەرفرەهـ کرنە و ل دژی وەلاتیێن سڤیل “کۆمکوژی” کرنە.
دەستەیا ئۆپەراسیۆنان د داخویانیێ دە هشیاری ژ نیشتەجهێن سڤیل یێن تاخێن شێخمەقسوود و ئەشرەفیێ دان کو د دەمەکە هەری زوو دە ژ بارەگەهـ و ناڤەندێن لەشکەری یێن ههسهدێ دوور بکەڤن دا کو جانێ وان پاراستی بە.
هەر وها ئارتێشا سووریەیێ راگهاند کو ژ بۆ دەرکەتنا وەلاتیان دو کۆریدۆرێن مرۆڤی یێن ئەولە ڤەکرنە کو ئەو ژی “دەریێ عەوارز” و “دەریێ کۆلانا زوهوورێ”نە.
ئارتێشا سووریەیێ دەستنیشان کر کو ئەو دەری دێ هەتا سائەت 15:00ێ ئیرۆ پشتی نیڤرۆ ڤەکری بمینن.
