حکوومەتا فرانسایێ نیگەرانیەکا کوور ل سەر ژ نوو ڤە دەستپێکرنا شەر ل تاخا شێخ مەقسوود یا حەلەبێ نیشان دا و بانگ ل ھەموو ئالیان کر کو دەملدەست ڤەگەرن پەیمانا ئاگربەستێ.
ئیرۆ 10/1/2026ێ وەزارەتا دەرڤە یا فرانسایێ بانگا گھاندنا ئالیکاریێن مرۆڤی و پاراستنا ژیانا سڤیلان ل باژێر کر. فرانسایێ گۆت کو ئەو پشتگریێ ددە پێشنیارێن کو ئارمانجا وان پاراستنا سڤیلانە، مینا سۆزێن بەرێ یێن کو ژ ھێلا حکوومەتا سووریەیێ ڤە ھاتنە دایین، و داخواز کر کو دەستوور بێ دایین کو شەرڤان ب ئاوایەکی “ب روومەت” ژ ھەرێمێ ڤەکشن.
پاریسێ تەکەز کر کو ئەو دێ ب ھەڤکارێن خوە یێن ناڤنەتەوەیی، د سەری دە ئامەریکایێ، بەردەوام بکە کو ئەولەھی و ئارامیێ ڤەگەرینە حەلەبێ د چارچۆڤەیا سووریەیەکا یەکگرتی، سەروەر و پرئالی دە کو ھەموو جڤاک تێ دە تەمسیل دبن.
ھەلوەستا فرانسایێ د دەمەکێ دە تێ کو پەڤچوونێن گران د ناڤبەرا ئارتێشا عەرەبی یا سووریێ و شەرڤانێن کورد دە ل تاخێن شێخ مەقسوود و ئەشرەفیێ د 6/1/2026ێ دە دەست پێ کرن. ل گۆری ھەژمارێن ھەری داوی، پەڤچوونێ زێدەتری 159.000 کەس کۆچبەر کرنە.
