باخچەلی دەربارێ ئۆجالان و دەمیرتاش داخویانیەکە نوو دا
سەرۆکێ گشتی یێ مهههپێ دەولەت باخچەلی ل سەر گۆتنێن خوە یێن دەربارێ ئۆجالان، دەمیرتاش، ئهحمهد تورک و ئهحمهد ئۆزەر داخویانیەکە نوو دا و گۆت، «مە نێرینا خوە گۆت، یا پشتی ڤێ کارێ حکوومەتێ یە.»
سەرۆکێ گشتییێ مهههپێ دەڤلەت باخچهلی، د جڤینا کۆما پارتیا خوە دە ب تایبەتی ژ بۆ عهبدوللا ئۆجالان مژارا «مافێ هێڤیێ»، ژ بۆ سهلاحهددین دەمیرتاش سەربەستبەردان و ژ بۆ ئهحمهد تورک و ئهحمهد ئۆزەر ژی ڤەگەرا سەر کارێن وان ئانیبوو رۆژەڤێ.
باخچهلی، د داویا ئاخافتنا خوە یا ل کۆما پارتیێ یا ل پارلامەنتۆیێ دە گۆتبوو:
«هەتا کو ئانادۆل بگهە ئارامیێ، ئۆجالان بگهە هێڤیێ، ئهحمهد (ئهحمهد ئۆزەر و ئهحمهد تورک) ڤەگەرن مەقامێ خوە و دەمیرتاش ڤەگەرە مالا خوە بریارا مە زەلالە.”
باخچهلی پشتی ڤان گۆتنێن کو بوون رۆژەڤ، ژ رۆژنامەگەر مورات یەتکین رە ئاخڤی.
مورات یەتکین ژ باخچەلی پرسی کو چما داخوازێن کو بەرێ جودا جودا دهاتن زمان نها ب هەڤ رە تینە زمان و گەلۆ باندۆرا پەیمانا ههسهدێ و برێڤەبریا شامێ ل سەر ڤێ بانگێ هەیە؟
دهولهت باخچهلی وها بەرسڤ دا:
«نا. تێکلیا وێ ب سووریەیێ رە نینە. ئەم ژ بەرێ ڤە دبێژن. ئەم ل ئانادۆلێ ئارامیێ دخوازن. ئەم ئاڤێتنا ڤان گاڤان باش دبینن.»
ئاک پارتی دێ چ بێژە؟
مورات یەتکین هەر وها ژ باخچەلی پرسی کا دێ ئاک پارتی چاوا بەرسڤێ بدە بانگا «مافێ هێڤیێ» یا ژ بۆ ئۆجالان و بانگا بەردانێ یا ژ بۆ هەڤسەرۆکێ بەرێ یێ ههدهپێ سهلاحهددین دەمیرتاش.
باخچهلی ل سەر ڤێ پرسێ ژی گۆت، «مە نێرینا خوە گۆت. ئەم دفکرن کو دێ ئەڤ ب سوود بن. یا پشتی ڤێ کارێ حکوومەتێ یە.»
