مەدیایا فەرمی یا ئیرانێ: رۆژا ئینێ دانوستاندنێن ئیران و ئامەریکایێ تێن دەستپێکرن

مەدیایا فەرمی یا ئیرانێ راگھاند کو، ئیراقچی و وتکۆف دێ ل رۆژا ئینێ ل عۆمانێ بجڤن و دانوستاندن دێ مینا گەرا پێشتر بن.

مەدیایا فەرمی یا ئیرانێ ئیرۆ رۆژا چارشەم، 4ی سباتا 2026ێ راگھاند: دانوستاندنێن ئامەریکا و ئیرانێ دێ ل رۆژا ئینێ بێن دەستپێکرن و ئیراقچی و وتکۆف دێ چاڤدێریا وان دانووستاندنان بکن.

سەرۆککۆمارێ ئیرانێ مەسعوود پزیشکیان ژی دوھی رۆژا سێشەم، 3یێ سباتا 2026ێ راگھاند کو، وی وەزیرێ دەرڤەیێ وەلاتێ خوە عەباس ئیراقچی ژ بۆ دەستپێکرنا دانوستاندنان لگەل ئامەریکایێ راسپارتیە.

گەرا داویێ یا دانوستاندنێن د ناڤبەرا ویلایەتێن یەکگرتی یێن ئامەریکایێ و کۆمارا ئیسلامی یا ئیرانێ دە د مەھێن نیسان و گولانێ یێن سالا بۆری دە ل سەر بەرنامەیا ئەتۆمی یا ئیرانێ بوو.

پێنج گەرێن ڤان دانوستاندنان ل عۆمان و ئیتالیایێ ھاتن لدارخستن. دانوستاندن ب ئاوایەکێ نەراستەراست ئەشکەرە بوون، لێ ب ئێریشا ئیسرایلێ یا ل سەر ئیرانێ و دەستپێکرنا شەرێ 12 رۆژی رە، تێکچوونا دانوستاندنان ژی ھات راگھاندن.