نووری مالکی: خوه ژ پێشبرکییا پۆستا سەرۆکوەزیریێ ڤەناکێشم
سەرۆکێ هەڤپەیمانیا دەولەتا قانوونێ و بەربژارێ چارچۆڤەیا هەڤاهەنگیێ ژ بۆ پۆستا سەرۆکوەزیرێ بێ یێ ئیراقێ نووری مالکی راگهاند: ئەز دێ ب چ رەنگان پاشڤە نازڤرم. تەکەز ژی کر کو، چەک دێ تەنێ د دەستێ دەولەتێ دە بن.
نووری مالکی د چاڤپێکەفتنەکێ دە ژ ئاژانسا فرانس پرێسێ رە ئیسرارا خوە ل سەر مانا د پێشبرکییا وەرگرتنا پۆستا سەرۆکاتیا حکوومەتێ دە راگهاند.
مالكی ب ئەشکەرەیی راگهاند: من ب چ رەنگان نیەتا ڤەکشینێ نینە و ئەز دەست ژێ بەرنادهم.
د پەیامەکێ دە ژی ژ بۆ ئامەریکایێ، کو بەردەوام نیگەرانی ژ رەوشا ئەولەهیێ یا ئیراقێ هەیە، مالکی پابەندبوونا خوە تەکەز کر کو، د ئحتیمالا ئاڤاکرنا حکوومەتەکێ دە، کار ژ بۆ وێ یەکێ دکە کو چەک تەنێ د دەستێ دەولەتا ئیراقێ دە بن و دیاردەیا چەکدارێن دەرڤەیێ قانوونێ بداوی بینە.
مالكی ل سەر هەستیاریا تێکلیێن ئیراقێ ب ئیرانێ رە ژی دەستنیشان کر کو، “تێکلیێن ئیراقێ ب ئیرانێ رە ل سەر بنگەها بەرژەوەندیێن هەڤپار تێن ئاڤاکرن، نە تشتەکی دن”.
مالکی ل سەر ئالۆزیێن دەڤەرێ و باندۆرا وان ل سەر ئیراقێ پشتراستی دا: ئەم دێ ب چ رەنگان رێ نەدن کو بنپێکرن و ئێریش ل سەر چ بالیۆزخانەیێن بیانی ل ئیراقێ بێن کرن.
نووری مالكی پێشتر دو گەران ژ 2006ێ هەتا 2014ێ پۆستا سەرۆکوەزیرێ ئیراقێ وەرگرتبوو و نها سەرۆکاتیا هەڤپەیمانیا دەولەتا قانوونێ دکە و یەک ژ قوتبێن خورتێن د ناڤ چارچۆڤەیا هەڤاهەنگیێ یا شیعەیان دە یە.
