کۆچکا سپی جارەکە دن کاندیدبوونا نووری مالکی رەد کر
بەرپرسەکی بلندێ کۆچکا سپی ژ رۆژنامەیا “شهرق ئال-ئهوسهت” رە راگهاند، ئامەریکا ب توندی ل دژی کاندیدبوونا نووری مالکی بۆ پۆستا سەرۆکوەزیرییا ئراقێ یە. واشنگتۆن هشیاریێ ددە کو حکوومەتەکە د بن کۆنترۆلا ئیرانێ دە نکارە بەرژەوەندیێن ئیراقێ بپارێزە و ئارامیێ بینە.
رەدکرنا ئامەریکایێ گهیشتیە ئاستەکێ کو سەرۆکێ ئامەریکایێ دۆنالد ترامپ راستەراست گەفا سەپاندنا جەزایان و برینا ئالیکاریان ل ئیراقێ خواریە. ئەڤ گەف د دەمەکێ دە نە، ئیراق پشتی هلبژارتنێن مژدارا 2025ان د ناڤ ڤالاهیەکە دەستووری دەیە.
ل گۆری زانیاریان، گەفێن ترامپ سەپاندنا جەزایێن ئابۆری ل سەر سازیێن ئیراقێ، بلۆکەکرنا داهاتا نەفتا ئیراقێ یا د بانکا فەدەرالا نیۆیۆرکێ دە و سینۆردارکرنا گهیشتنا وی وەلاتی ب یەدەکێن دۆلارێ ئامەریکی ل خوە دگرن.
وەزیرێ دەرڤەیێ ئامەریکایێ ماركۆ روبیۆ ب تەلەفۆنێ ب سەرۆکوەزیرێ ئیراقێ محەمەد شهیاع سوودانی رە ئاخڤی و ب زەلالی هشیاری دایێ. روبیۆ تەکەز کر کو ت حکوومەتەکە ب پشتگریا ئیرانێ دێ ب سەر نەکەڤە. هەروها وی بال کشاند سەر وێ یەکێ کو هەکە د کاندیدبوونا مالکی دە رژدی وەرە کرن، دبە کو ئامەریکا جەزایان دەینە سەر کەس و سازیێن ئیراقی.
ژ ئالیێ خوە ڤە، نوونەرێ تایبەتێ ئامەریکایێ ژ بۆ سووریەیێ تۆم باڕاک، د هەڤدیتنێن خوە یێن دو رۆژێن داوی دە ل گەل بەرپرسێن ئیراقی، تەکەزی ل سەر گرنگیا سەرکردایەتیەکە بباندۆر کر. باڕاک هشیاری دا کو هەر حکوومەتەکە کو “ژ ئالیێ هێزێن دەرڤە ڤە هاتبە ئاڤاکرن”، دێ د دابینکرنا داخوازیێن گەلێ ئیراقێ و ئاڤاکرنا هەڤبەشیەکە راستین ب ئامەریکایێ رە، شکەستنێ بینە.
