ئامهریكا داخوازێ ژ وەلاتیێن خوە دکە د زووترین دەم ژ ئیراقێ دەرکەڤن
بالیۆزخانەیا ئامەریکایێ ل بەغدایێ هشیاریەکە لەزگین ئاراستەیی وەلاتیێن خوە کر و داخواز کر کو ب زووترین دەم ژ ئیراقێ دەرکەڤن.
بالیۆزخانەیا ئامەریکایێ یا ل بەخدایێ ئیرۆ 4ێ ئادارێ ل سەر هەسابێ خوەیێ تۆرا جڤاکی “خ” پەیامەکە ئەولەهیێ بەلاڤ کر و بانگ ل هەموو وەلاتیێن ئامەریکییێن ل ئراقێ کر کو “د کێلیا رەوشا ئەولەهیێ باشتر ببە”، دڤێ ب زووترین دەم ژ ئراقێ دەرکەڤن و ڤەگەرن وەلاتێ خوە.
د داخویانیێ دە هات دیارکرن، رەوشا ئاسمانی یا ئیراقێ نە ئارامە. بالیۆزخانەیێ هشیاری دا کو دبە کو دەسەلاتدارێن ئیراقێ د ناڤا دەمەکە پر کورت دە ئاسمانێ وەلات ل روویێ گەشتان ڤەکن و دیسا بگرن.
هات دەستنیشانکرن کو ئەڤ بریارێن گرتنێ دبە کو “بێیی ئاگاهدارکرنا پێشوەخت” وەرن گرتن، لەوما مەترسیا ئاسێمانێ ل فرۆکخانەیان هەیە.
