ترکیێ سیستەما پاتریۆت ل مەلەتیێ بجهـ كر
وەزارەتا بهرگریێ یا ترکیەیێ راگهاند، د چارچۆڤەیا رێکارێن پاراستنا سینۆر و ئاسمانێ وهلات دە، سیستەما بهرگرییا ئاسمانی یا پاتریۆت ل باژارێ مەلەتیێ تێ بجهکرن.
وەزارەتا بهرگریێ یا ترکیەیێ ئیرۆ 10ێ ئادارێ د داخویانیەکێ دە راگهاند، ژ بەر پێشهاتێن داوی یێن ل ناڤچەیێ، وان رێکارێن پێویست ژ بۆ پاراستنا ئەولەهیا سینۆر و ئاسمانێ وهلات گرتنە بەر خوە. ئەنقەرە د ڤێ مژارێ دە ژی ب ناتۆ و هەڤپەیمانێن خوە رە د ناڤا شێور و هەماهەنگیێ دە یە.
ب پشتەڤانیا ناتۆیێ سیستەما پاتریۆت تێ بجهکرن
د داخویانیێ دە هات دەستنیشانکرن، ژ بلی رێکارێن ل سەر ئاستا نەتەوەیی، ناتۆیێ ژی رێکارێن پاراستنا ئاسمانی و مووشەکی زێدە کرنە. د ڤێ چارچۆڤەیێ دە هات راگهاندن: “سیستەما پاتریۆت یا کو ژ بۆ پشتەڤانیا پاراستنا ئاسمانێ ترکیەیێ هاتیە ڤەقەتاندن، دێ ل مەلەتیێ وەرە بجهکرن.”
وەزارەتا بهرگریێ تەکەز کر، ترکیە شیانا خوە یا پاراستنێ و ئەولەهیێ د ئاستا هەری بلند دە دپارێزە و ژ بۆ ئاساییش و ئارامیا ناڤچەیێ، ئەوێ د نرخاندنا پێشڤەچوونان دە لگەل ناتۆ و هەڤپەیمانێن خوە ب ئاوایەکی هەماهەنگ بخەبتن.
