قەتەر ئێریشا ل سەر کۆنسولخانەیا ئیماراتێ یا ل ھەولێرێ شەرمەزار دکە
وەزارەتا دەرڤەیا قەتەرێ ب داخویانیەکا فەرمی، ئێریشا ل سەر ئاڤاھیا کۆنسولخانەیا گشتی یا دەولەتا ئیماراتێ یا ل ھەرێما کوردستانێ ب توندی شەرمەزار کر.
وەزارەتا کارێن دەرڤەیا قەتەرێ ئیرۆ 10ێ ئادارێ دەربارێ ئێریشا درۆنی یا ل سەر ھەولێرێ داخویانیەک بەلاڤ کر. د داخویانیێ دە ھات دەستنیشانکرن کو ئارمانجگرتنا نوونەرتیێن دیپلۆماتیک، بنپێکرنا ئاشکەرەیا نەریت و یاسایێن ناڤدەولەتییە.
وەزارەتا دەرڤەیا قەتەرێ بال کشاند سەر پاراستنا سازیێن دیپلۆماتیک و گۆت: “ئەڤ ئێریش ل دژی پەیمانا ڤیەنایێ یا دەربارێ پەیوەندیێن دیپلۆماتیک دەیە، کو پاراستنا ئاڤاھی و کارمەندێن دیپلۆماتیک مسۆگەر دکە.”
ھەروھا ھەڤخەمیا خوە لگەل دەولەتا ئیماراتێ نیشان دا و تەکەزی ل سەر پێویستیا پاراستنا نوونەرتیێن دیپلۆماتیک کر. قەتەرێ داخواز کر کو گارانتیێن تام ژ بۆ سلامەتیا دیپلۆماتکاران وەرن پەیدا کرن، دا کو بوویەرێن ب ڤی رەنگی جاردن دوبارە نەبن.
ئەڤ ھەلوەستا قەتەرێ د دەمەکێ دە تێ کو جڤاکا ناڤدەولەتی ژ بۆ ئارامیا ھەرێمێ و پاراستنا سەروەریا سازیێن ناڤنەتەوەیی بانگێن خوە زێدە کرنە.
