ھاکان فیدان: ئەم داخواز ژ ئیرانێ دکن کو ئێریشێن خوەیێن ل سەر وەلاتان راوەستینە
وەزیرێ دەرڤەیێ ترکیەیێ د داخویانیەکێ دە راگھاند، دڤێت دەستدرێژی و ئێریشێن ل سەر ئیرانێ بێنە راوەستاندن، د ھەمان دەمێ دە دڤێت ئیران ژی ئێدی وەلاتێن جیران ئارمانج نەگرە.
وەزیرێ دەرڤەیێ ترکیەیێ ھاکان فیدان ئیرۆ 14ێ ئادارێ د داخویانیەکێ دە راگھاند: “پێویستە دەستدرێژیا ل سەر ئیرانێ وەرە راوەستاندن. د ھەمان دەمێ دە ئەم داخواز ژ ئیرانێ ژی دکن کو ئێریشێن خوەیێن ل سەر وەلاتێن دن راوەستینە.”
وەزیرێ دەرڤەیێ ترکیەیێ ئاماژە ب وێ یەکێ کر، ئەو دەربارێ وێ مووشەکا کو دوھ د سەر ئاسمانێ وەلاتێ وان رە دەرباس بوویە، لگەل ئالیێن پەیوەندیدارێن ئیرانێ د تێکلیا راستەراست دە نە.
ھەروھا فیدان نیگەرانیا وەلاتێ خوە ئانی زمان و گۆت: “ئەم نیگەرانین ژ ھەولدانێن حکوومەتا نەتانیاھو کو ب ھنجەتا رووبرووبوونا حزبوللاھێ، ل لبنانێ قرکرنا ئەتنیکی پێک تینە.”
ئەڤ داخویانیا ھاکان فیدان د دەمەکێ دە تێ، رۆژھلاتا ناڤین د ناڤ ئالۆزیەکا پر مەزن دەیە. ئێریشێن ئیسرایل و ئامەریکایێ یێن ل سەر ئیرانێ بەردەوام دکن؛ ئیران ژی وەکی بەرسڤدان، ب ھنجەتا ھەبوونا بنکەیێن ئامەریکایێ ل ھەرێمێ، بەردەوامە د بۆمبەبارانا ئیسرایل و وەلاتێن جیران دە.
