زەلمای خەلیلزاد: ئێدی ده‌ما ژ ناڤ برنا میلیشیایێن ئیراقێ هاتییه‌

زەلمای خەلیلزاد، بالیۆزێ بەرێ یێ ئامەریکایێ ل ئیراقێ ئیرۆ ل سه‌ر حه‌سابا خوه‌ یا X گه‌فێن هه‌ری دژوار ل حه‌شدا شه‌عبی و حكوومه‌تا ئیراقێ خوارنه‌ و گۆتییه‌ كو ئێدی ده‌ما ژناڤبرنا وان میلیشیایێن هاتییه‌:

زالمای خه‌لیل زاده‌ ووسا گۆتییه‌:

“ئەو ملیشیایێن ئراقی یێن د بن کۆنترۆلا سوپایێ پاسدارێن ئیرانێ دە نە، ئێرشی سەر بالیۆزخانەیا ئامەریکایێ ل بەغدایێ و هەر وها ل هەرێما کوردستانێ و بەرژەوەندیێن مە یێن ل وێ دەرێ دکن.

حکوومەتا ئیراقێ داخویانیان ژ بۆ شەرمەزارکرنا ڤان ئێرشان بەلاڤ دکە، لێ ووسا دیارە کو یان ئەو نكاره‌ یان ژی مخابن ئه‌و ناخوازە وان بسەکنینە.

ئێدی دەما وێ چەندێ هاتیە کو دەولەتێن یەکبوویی یێن ئامەریکایێ شیانێن سەربازییێن ڤان میلیشیایان ژ ناڤ ببە، یێن کو ژ مێژ ڤە وەکی ئاژانێن ئیرانێ کار دکن و حکوومەتا ئیراقێ ژی ب بێدەنگی چاڤێن خوە ل وان گرتیە”.