بارەگەهێن حهشدا شهعبی ل نهینهوا و سهلاحهددین هاتن بۆمبەبارانکرن
ل پارێزگەهێن نهینهوا و سهلاحهددینێ بارەگەهـ و خالێن لەشکەری یێن حهشدا شهعبی ڤێ سبەهێ هاتن بۆمبەبارانکرن و هن چەکدارێ وێ هاتن کوشتن و هەژمارەکە دن ژی بریندار بوون.
دەستەیا حهشدا شهعبی راگهاند کو ئیرۆ سبەهێ 19 ئادارا 2026ێ ل دەشتا نهینهوا یەکینەیا 4 یا گرێدایی لیوایا 30ی یا حهشدا شهعبی هاتیە بۆمبەبارانکرن. د ئەنجامێ دە چەکدارەک هاتیە کوشتن و 2 چەکدارێن دن ژی بریندار بوونە.
ل گۆری داخویانیا حهشدا شهعبی، ل نێزیکی بالافرگەها سینیە یا ل بێجی گرێدای پارێزگهها سهلاحهددینێ، ئێرشی خالەکە لیوایا 31 رەوتا ریسالیوون هاتیە کرن. ل ور ژی چەکدارەک هاتیە کوشتن و چەند کەسێن دن ژی بریندار بوونە.
هەروهها ل ناڤچەیا بێجی، بارەگەها لیوایا 6 یا حهشدا شهعبی ژی هاتیە بۆمبەبارانکرن و د ئەنجامێ دە 3 چەکدار بریندار بوونە کو رەوشا یەکی ژ وان گرانە.
ئەڤ جارا دویەمینە کو د ناڤا رۆژەکێ دە ئێرشی بارەگەهێن حهشدا شهعبی یێن ل ناڤچەیا بێجی تێ کرن.
