سەرۆکێ فرانسایێ ئەممانوێل ماكرۆن بانگ ل رایەدارێن ئیراقێ کر کو رێ ل بەر کۆمێن چەکدار بگرن، دا کو ئێریشی نوونەراتیێن دیپلۆماتیک نەکن. ماكرۆن هشیاری دا کو دڤێ ئیراق نەبە پارچەیەک ژ شەرێ هەرێمی.
سەرۆکێ فرانسایێ ئەممانوئێل ماكرۆن ئیرۆ 19ێ ئادارێ د چارچۆڤەیا لووتکەیا ئەورۆپایێ دە ل بروکسەلێ راگهاند، وەلاتێ وی ژ سالا 2015ان ڤە ژ بۆ تێکۆشینا ل دژی داعشێ و پشتگریکرنا سەروەرییا ئیراقێ ل وی وەلاتییە و گۆت: “ئەم ب ڤێ پابەندبوونا خوە سەربلندن.”
سەرۆکێ فرانسایێ بەحسا پەیوەندیێن خوە یێن داوییێن ل گەل سەرۆکوەزیرێ ئیراقێ محەمەد شه‌یاع سوودانی و سەرۆکێ هەرێما کوردستانێ نێچیرڤان بارزانی کر و تەکەزی ل سەر پشتگریا پاریسێ یا ژ بۆ سەروەری و یەکپارچەییا خاکا ئیراقێ کر.
ماكرۆن داخواز ژ ئیراقێ کر کو رووبروویی وان کۆمێن چەکدار ببە یێن کو وەلاتی و بەرژەوەندیێن فرانسایێ دکن ئارمانج. ماكرۆن هەروها هشیاری دا کو ئەڤ کریار نەد بەرژەوەندییا ئیراقێ دەنە و دبنە سەدەما ئالۆزکرنا ئارامیا وەلات.
