وەزیرێ داد یێ ترکیێ: ژ بۆ ئۆجالان خانیەکێ تایبەت نایێ چێکرن

وەزیرێ دادێ یێ ترکیێ ئاکین گورلەک دەربارێ نووچەیێن “ل ئیمرالیێ ژ بۆ ئۆجالان خانی تێ چێکرن”  گۆت، “تشتەکی وها نینە».

ئاکین گورلەک بەریا جڤینا کۆما ئاک پارتیێ یا ل پارلامەنتۆیا ترکیەیێ د كۆنگره‌یه‌كێ رۆژنامه‌ڤانی ده‌ به‌رسڤا پرسێن رۆژنامەگەران دان.

رۆژنامەگەران ل سەر داخویانیا هەڤسەرۆکا گشتی یا دەم پارتیێ تولای حاتیمۆگوڵار یا “ل ئیمرالیێ ژ بۆ ئۆجالان خانی تێ چێکرن” پرسەک کر.

وه‌زیرێ داد یێ تركیێ ل سەر ڤێ مژارێ وها ئاخڤی: «تشتەکی وها نینە. ل وێرێ كامپه‌كه‌ ئیداری هەیە، دبە کو ل گۆری پێویستیێ ئاڤاهیێن نوو تێن چێکرن لێ تشتەکی وەکی چێکرنا خانیەکی تایبەت نینە».